Планирование «Дара және күрделі сан есім»

Қоңыршиева Айгүл Хайроллақызы

Б.Қ.О.,Қаратөбе ауданы,Ақтай –сай ауылы

«Қаракөл ЖОББМБ»КММ-нің бастауыш сынып мұғалімі

Пәні: Қазақ тілі

Тақырыбы: «Дара және күрделі сан есім»

Мақсаты:Дара және күрделі сан есім туралы білім беру.

Білімділік:Оқушылардың сан есім туралы білімдерін бекіте отырып,дара және күрделі сан есімнің түрлері туралы білім беру.

Дамытушылық:Оқушылардың сөздік қорларын,ойлау қабілетін,ой-өрістерін дамыту.

Тәрбиелік:Сауатты жазуға,зерттеушілікке,табиғатты қорғауға тәрбиелеу.

Сабақтың түрі: жаңа сабақ

Әдістері: СТО жобасы, сұрақ - жауап,түсіндіру.

Көрнекілігі:Слайд, сан есім туралы сызба, INSERT кестесі, үлестірмелі тапсырмалар.

Барысы:

Ұйымдастыру бөлімі.

Оқушылармен амандасу, түгендеу.

Үй тапсырмасын тексеру.

5-жаттығу.

І.Қызығушылықты ояту.

«Біз нені білеміз?»( Өткен сабақты пысықтап өту үшін үлестірмелі тапсырмаларға жауап беру).

Сұрақтар:

1.Сан есім дегеніміз не?

2. Сан есімнің сұрақтарын ата.

3.Сан есім мағынасына қарай қалай бөлінеді?

4.Сан есім құрамына қарай қалай бөлінеді?

5.Реттік сан есімдерді ата, жұрнақтарын айт.

6.Есептік сан есімге мысал келтір.

ІІ.Мағынаны тану.

прр

Жаттығу жұмыстары

«Ғажайып бестік» ойыны (Әр жаттығуды орындағаннан кейін жұмбақ қойылады.Сол жұмбақты шешкен оқушы «бес»деген бағаны иеленеді)

Оқулықпен жұмыс.

1-жаттығу. Сөйлемдерді оқы. Сан есімдерді теріп жазып,неше сөзден  құралғанына көңіл бөл.

   Қамыс – сулы жерде өсетін ең көп тараған өсімдік. Қамыстың биіктігі екі метрден үш метрге дейін болады.Оның екі жүзден астам түрі бар.       2. Үш адам жолға шықты. 3.Жиырмадан бесті алса, он бес болады.

2-жаттығу. Сөйлемдерді көшіріп жаз. Дара, күрделі сан есімдерді тап.

                                    Киттің бір түрі - жолақ кит.Оның ұзындығы отыз үш метрге дейін, салмағы жүз елу тоннаға дейін жетеді. Оның жаңа туған баласының ұзындығы алты метрден асады.

«Ол кім? Бұл не?» кітабынан.

Тренинг. “Жылы орындық”

3-жаттығу. Сөйлемдерді оқы. Дара,күрделі сан есімдерді теріп жаз.

                              

     1.Табиғатта өмір бойы аяғынан тік тұрумен өтетін жануарлар бар.Олар – пілдер.Ересек пілдер жүз жыл бойы тізе бүкпейді.  2. Медеу-мың алты жүз тоқсан жеті метр биіктікте салынған мұзайдын. Мұзайдындағы ойынды  он екі мың көрермен қызықтай алады.  3.Қой арам шөптің бес жүз жетпіске жуық түрін жейді.Қойдан басқа жануар мұнша көп арамшөп жемейді.

                                                                   «Балдырған» журналынан.

ІІІ.Толғаныс.

INSERT  кестесін толтыру.

Ү Бұрыннан білемін	+ Мен үшін жаңалық	-          Келісе алмаймын	? Нақты білгім келеді.

Үй тапсырмасы.

4-жаттығу. Төмендендегі сан есімдерді дара, күрделі түрлеріне түрлеріне топтап, сөзбен жаз.

                                     9, 588, 45, 797, 25, 10, 888, 5.

Бағалау.