Планирование открытого урока по казахскому языку на тему "Түбір сөз және туынды сөз"

Сабақтың тақырыбы: Түбір сөз және туынды сөз.

Сабақтың мақсаты:

А)Түбір сөз бен туынды сөз туралы түсініктерін кеңейту, оларды сөз құрамына талдай білуге дағдыландыру, түбір сөз бен қосымшалы сөздің құрамы мен мағынасын салыстыру.

Ә)Оқушылардың ой-өрістерін дамыту, түрлі әдістерді пайдалана отырып ойлау қабілеттерін,сөздік қорларын,сөйлеу тілін дамыта отырып шығармашылық қабілеттерін арттыру, өздіктерінен қорытынды жасап, өз ойын тез әрі жүйелі жеткізуге машықтандыру

Б)Оқушыларды алғырлыққа. тапқырлыққа, білімділікке, сауаттылыққа баулу, патриоттық сезімге тәрбиелеу.

Сабақтың түрі: Бекіту сабағы

Сабақтың әдіс-тәсілдері: қайталау-бекіту сұрақ-жауаптары, шығармашылық-логикалық тапсырмалар, жұмбақ шешу, ойын түрлері.

Сабақтың көрнекіліктері: интерактивті тақта, тірек сызбалар, ойын шаблондары т.б.

Сабақтың барысы

Ұйымдастыру кезеңі

Оқушылардың назарын сабаққа аудару, зейіндерін тақырып төңірегіне шоғырландыру.

Психологиялық дайындық

Көңіл күйді білдіретін смайлдармен жұмыс.

Үй жұмысын тексеру

17-жаттығуды көшіріп жазу, туынды сөздердің астын сызу.

Туынды сөздер қалай жасалады?

Түбір сөздің туынды сөзден айырмашылығы неде?

3. Ойын: Бізге туынды сөздер мен мамандық иелері қонаққа келіпті. Туынды сөздердің тапсырмаларын орындасақ бізге арналған сыйлыққа қол жеткіземіз.

1-ші мамандық иесі:Оқушы

2-ші мамандық иесі: Кітапханашы

3-ші мамандық иесі: Дәрігер

4-ші мамандық иесі:Күйші

5-ші мамандық иесі: Спортшы

6-шы мамандық иесі: Оқытушы

7-ші мамандық иесі: Басшы

1-ші мамандық иесінің тапсырмасы:

Кітаптағы 126-шы  беттің 21-інші тапсырмасын жазбаша орындау.

Түбір сөздерге –шы –ші – ды –ді – лы –лі

Жұрнақтарының тиістісін қойып туынды сөз жасау.

Жыршы, тәрбиеші, еңбекші, сыншы, таулы, сәнді, көрші, көңілді, сулы, құрылысшы, төреші, футболшы.

2-ші мамандық иесінің тапсырмасы:

Кітаптағы 126-шы  беттің 22-інші тапсырмасын жазбаша орындау.

Сөйлемдерді көшіріп жазып, туынды сөздерді табу.

Бақыт-үлгілі оқушы. Ол тәртіпті. Татулық-біздің күшіміз. Менің ұшқыш болғым келеді.

3-ші мамандық иесінің тапсырмасы:

Мына конверттің ішіндегі жұрнақтарға сөздер қосып туынды сөздер жасау.

Ас+паз, жыр+шы, дәрі+хана, жұмыс+кер, әуес+қой т.б.

4-ші мамандық иесінің тапсырмасы:

Кітаптағы 126-шы  беттің 24-інші тапсырмасын орындау. Өлеңді мәнерлеп оқы, көшіріп жазу. Зат есімдерді тауып сөз құрамын талдау.

Аңшы, аң, бүркітші.

5-ші мамандық иесінің тапсырмасы:

Кітаптағы 127-ші  беттің 26-ншы тапсырмасын жазбаша орындау.

Сөйлемдерді көшіріп жазып, қарамен жазылған сөздерді сөз құрамына талдау. Туынды сөздерді түбір күйімен салыстыру.

Өнерпаз-өнер, сазгер-саз, дәріхана-дәрі.

6-шы  мамандық иесінің тапсырмасы:

Видеоматериалды тыңдап, өлеңде оқылған туынды сөздерді табу. Олардың түбірлерін анықтап, салыстыру.

Ойын: «Өз үйіңді тап» Оқушылар қағазда жазылған сөздерді оқып, олардың қай үйде тұратынын анықтап, сол үйге бару керек. Үй атаулары: туынды сөз үйі және түбір сөз үйі.

Қорытынды:

Қайталау сұрақтары:

Түбір деген не?

Жұрнақ деген не?

Туынды сөз деген не?

Түбір сөз деген не?

Туынды сөз жасаушы қандай жұрнақтармен таныстық?

Жұрнақтардың жалғаулардан айырмашылығы неде?

Балалар сендер сыннан сүрінбей өттіңдер,

Бүгінгі тақырыптың шыңына жеттіңдер,

Еңбек  етсең емерсің дей отырып,

Еңбектеріңнің тәтті жемісін көріңдер.

Басшының МАРАПАТТАМАСЫ....

Ойын: «Жаңылыспай жарыс» Оқушыларға берілген жұрнақтардың алдына қосылатын сөздер табу. Үш қатар жарысу.

Бағалау.

Сабаққа белсене қатысқан оқушыларға тиісті бағасын қою.

Үй жұмысы: 27 жаттығу жазбаша, 25 жаттығу ауызша.

                     «Бөгенбай батыр атындағы қазақ орта мектебі» КММ

Ашық сабақ

Пәні: Қазақ тілі

Тақырыбы: Түбір сөз және туынды сөз

                                       Сыныбы: 3 «А»

                                                                        Сынып жетекшісі:Карсибаева А.Н.

Ерейментау қаласы 2015ж