Поурочный план на тему "Шалғын өсімдіктері"

Шығыс Қазақстан облысы

Семей қаласы Шақаман ауылы

«Шақаман ЖОББМ» КММ

Бастауыш сынып мұғалімі

Муканова Гульнара Тургалиевна

Сабақтың тақырыбы:  Шалғын өсімдіктері мен жануарлары

Сабақтың мақсаты:  шалғын, көгал және өсімдіктер мен жануарлар  туралы түсінік беру.

Сабақтың міндеттері:

1.Шалғынды жердегі тіршілікке бейімделген өсімдіктер мен жануарлар туралы түсініктерін кеңейту.

2. Жаңа ұғымдармен таныстыра отырып, сөздік қорларын, тілдерін, оқушылардың ойлау, есте сақтау және дүниетанымы мен шығармашылық қабілеттерін дамыту.

3. Табиғатты қорғауға және оған деген сүйіспеншілігін арттыру оны қорғау.

Сабақтың түрі: топтық жұмыс.

Сабақта қолданатын әдіс-тәсіл: түсіндіру, сұрақ-жауап, топтастыру.

Көрнекілігі:  смайлингтер, слайд, үлестірмелі құрал, сызбалар.

Сабақ барысы

І. Ұйымдастыру кезеңі

Қызығушылықты ояту

Сәлеметсің бе, достарым,

Бүгінгі күн келген,

Сәттілікке толсын!

Біздің алар бағамыз,

Тек бестікке толсын!

ІІ. Өткен сабақ бойынша жұмыс.

1)    Дүниетану дәптеріндегі 1-тапсырманы орындау.  

Тапсырма:  Қазақстанның өсімдіктері мен жануарларының тіршілік ету ортасына қарай бөлінуі. 

Жауабы:  шалғын өсімдіктері мен жануарлары;  дала өсімдіктері мен жануарлары; шөл өсімдіктері мен жануарлары; орман-тоғай өсімдіктері мен жануарлары; су өсімдіктері мен жануарлары;  таулы жер өсімдіктері мен жануарлары. (кесте толтыру)

2)    Табиғи бірлестік дегеніміз не?

ІІІ. Жаңа сабақ бойынша жұмыс.

1.Ой қозғау. Сөзжұмбақ шешу. «Шалғын»  сөзінің мағынасын ашу.

2.Сабақтың тақырыбын, мақсатын хабарлау. (Дәптерге жазып алу)

3. Оқулықпен жұмыс.

1) 75 беттегі суреттегі өзімізге таныс өсімдіктер мен жәндіктерді, құстарды атау.

2) Мәтінмен жұмыс. Оқушылардың өздігімен оқуы.

3) Сұрақтарға жауапты дәптерге жазу.

1.Шалғын дегеніміз не?  / Шөптекті өсімдіктер жаз бойы жайқалып өсетін ылғалы жеткілікті көгал.

2.Шалғынды қай жерлерден кездестіруге болады?  / Шалғынды жазықтан да, өзен аңғарынан да, таудан да кездестіруге болады.

3. Шалғындағы мал жемейтін улы өсімдіктер.  / Уқорғасын, сарғалдақ.

4. Топтық жұмыс.

І топқа:  Шалғын өсімдіктері  / жусан, шалғындық жоңышқа, қылтанақсыз арпабас, шалғындық атқонақ, жұпаргүл, күреңот, тышқанбұршақ және уқорғасын, сарғалдақ

ІІ топқа: Шалғын құстары   / бозторғай, бөдене, бүркіт, бөктергі

ІІІ топқа: Шалғын жәндіктері мен жануарлары     / көбелектер, қоңыздар, шекшектер, түкті аралар, саршұнақ, көртышқан        

ІҮ. Сергіту сәті

Мынау менің – жүрегім,  бәрі осыдан басталған.

Мынау – ақылды басым, бәрін осы басқарған.

Мынау – менің оң қолым, мынау – менің сол қолым,

Барлық істі атқарған.

Ү. Қорытынды. Бекіту.

1) Жағдаят шешу

           Шалғын еліміздің табиғи байлығы әрі табиғи бірлестік. Қазіргі таңда табиғи шалғын жерлер азайып кетті. Әрі шалғынның көптеген өсімдіктері мен жануарлары жойылып кетті. Сіздер оны қалай қалыпқа келтірер едіңдер?

2) Сауалнама

1. Шөптекті өсімдіктер жаз бойы жайқалып өсетін ылғалы жеткілікті шағын үлескілерді не деп атайды?

а) шалғын                                 ә) көгал                           б) пішен

2. Шалғын өсімдігін тап

А) тышқанбұршақ                  ә) бидай                           б) қызғалдақ

3. Мал жемейтін улы өсімдіктерді тап

А) күрең от, жоңышқа       ә) уқорғасын, сарғалдақ     б) атқонақ, арпабас

4. Шөп арасында қандай құс көп кездеседі?

А) шөп                                ә) бозторғай                         б) бөдене

5. Бөдене балапаны неше күнде шығады?

А) 16-17 күн                       ә) 15-17 күн                        б) 18-19 күн

ҮІ.Оқушыларды бағалау.
ҮІІ. Үйге тапсырма: 76-77 бет, оқу, мазмұндау