Презентация по родной речи на тему "Амангелді батырым" (3 класс)

Әдебиеттік оқу

Сабақтың тақырыбы: Амангелді батырым.
Мақсаты: 1) Оқушыларды өлең мазмұнымен таныстыру. Ұлт азаттық көтерілістің батыры Амангелді Имановтың өмірі мен ерлік істері жайында мағлұмат беру. Өз ойларынан қорытынды жасай білуге дағдыландыру.

2) Сөз өнерін бағалауға, көркем ойдың астарын түсінуге, өлең жазуға талпыныс жасау, мәнерлеп оқу дағдысын қалыптастыру. Қосымша деректерді дұрыс қолдана білуге, шығармашылық ізденіске жетелеу, көркем тілмен сөйлеуге дағдыландыру.
3) Туған жер, туған елге деген сүйіспеншілігін арттыру, оларды Отанын сүюге, қорғауға, еліміздің патриоты болуға, елжандылыққа тәрбиелеу.
Сабақтың типі: ашық сабақ
Сабақтың түрі: жаңа сабақ
Қолданылатын стратегиялар: Ой қозғау,  сұрақтар стратегиясы, топтастыру стратегиясы, «3 мин эссе», «Семантикалық карта», «Бес жолды өлең құрастыру».
Көрнекілігі: суреттер, слайдтар, сөзжұмбақ, интерактивті тақта, кеспе қағаздар, «Амангелді» фильмі.
Сабақтың барысы:   І.  «Қызығушылықты ояту»кезеңі.

- Балалар, бүгін біздің сыныпқа қонақтар келіп отыр. Алдымен барлығымыз орнымыздан тұрып амандасайық.
Үлкенге де сіз,

Кішіге де сіз.

Сәлем бердік сіздерге,

Құрметпенен біз.

Оқушылардың назарын сабаққа аудару. Көңіл-күйлерін айқындау.

Оқушылар стикерлер таңдау арқылы 4 топқа бөлінеді.

1-топ: «Ақындар» тобы, 2-топ: «Бейнелеушілер» тобы, 3-топ: «Сөз тапқыштар» тобы, 4-топ: «Ізденушілер» тобы. Әрбір топ өз топ басшысын анықтап алады. Топ басшыларына бағалау парақшалары ұсынылады.
Үй тапсырмасын тексеру.
Қажым Жұмалиевтің «Махамбет пен Жақия» мәтіні бойынша түсінігін сұрау.
1. Жақияның алғашқы соғысы.
2. Махамбеттің ақылы.
3. Батырдың ерлігі.

4. Қосымша мағлұмат.
   Сөзжұмбақ шешу.
1. Қаракерей ...   (Қабанбай)
2. Исатайдың серігі(Махамбет)
3. Жақияның әкесі (Исатай)
4. Исатайтың тұлпары(Ақтабан)
5. Қанжығалы ... (Бөгенбай)
6. Ағыбай батыр заманындағы хан (Кенесары)
7. Қабанбай, Бөгенбай батыр заманындағы хан (Абылай)
8. Қорғансыз, есеңгіреген халықтың түскен күйі(шұбырынды)
9. Исатай, Махамбет батырлар заманындағы хан (Жәңгір)
Торкөздегі  сөзді оқу(Амангелді), ол туралы не білесіңдер?
ІІ. «Мағынаны тану» кезеңі.  Жаңа сабақ.

- Балалар, біз бүгін туған жерімізден шыққан ұлт-азаттық көтерілісінің батыры Амангелді Имановтың өмірімен таныс боламыз.
Топтық жұмыс

1. Амангелді Имановтың өмірбаяны.

2. Амангелдінің жорықтары.

3. Амангелді туралы шығармалар, туындылар.

«Амангелді» көркем фильмінен үзінді.

4. Нұрпейіс Байғанин туралы мағлұмат.

1. Амангелді Имановтың өмірбаяны

Амангелді Үдербайұлы Иманов (1873 - 1919)  -  қазақ халқының батыры. Торғай уезі Қайдауыл болысының  3 - ауылында кедей шаруа отбасында туған.  Атасы Иман белгілі батыр болған. Жеті  жасында әкесі, одан  бес  жылдан  кейін шешесі қайтыс болып, жастайынан жетім қалады. Ауқатты адамдарға жалға тұрып жүріп, еңбекші халықтың тартқан қайғы - қасіретін, ауыр тұрмысын көреді. Қазақ халқының батыры.

2. Амангелдінің жорықтары

Амангелді Иманов  Қазақстанда 1916 жылы өріс алған Ұлт-азаттық көтерілістің  басшысы. 1905-1907 жылдары орыстың 1-революциясының азаттық  ықпалымен шаруалардың байларға қарсы қарулы күресіне қатысады. 1906-1908 жылдары патша өкіметі оны "сенімсіз" адам деп тауып, бірнеше рет түрмеге отырғызады. 1916 жылы 25 маусымда кедейлерден 19 бен 31 жас аралығында жігіттерді күштеп майданға қара жұмысқа алу туралы жарлық шығарды. Бұл онсыз да жергілікті байлардан қысым көріп отырған халыққа ауыр тиді. Ауыл ақсақалдары жиналып, патша жарлығына қарсы шықты.Үлкен жиында қолбасшылық Иман батырдың немересі Амангелдіге жүктелді. Қазақстанда тұңғыш ұлттық Қызыл Әскер бөлімдерін ұйымдастырады.

3. Амангелді туралы шығармалар

Амангелдінің туған ауданы және республиканың көптеген колхоз, совхоздары батырдың есімімен аталады. Алматы қаласында және бірсыпыра аудан, облыс орталықтарында батырдың ескерткіш мүсіні орнатылған. Жазушы Ғабит Мүсірепов "Аманкелді" пьесасында халық батырының көркем бейнесін жасады. Халық суретшілері Әбілхан Қастеев ("Аманкелді" портреті, "Аманкелді шабуылы", "Торғай жорығы") пен Қ. Телжанов ("Аманкелді", "Аманкелді қызыл атты әскері") Аманкелді образын тартымды бейнеледі. 1938 жыл: «Ленфильм» киностудиясында Қазақтың тұңғыш көркем фильмі — «Амангелді» түсірілді.

4.  Нұрпейіс Байғанин туралы

  Нұрпейіс Байғанин (1860 – 1945) - халық ақыны, жырау, Қазақстанның еңбек сіңірген өнер қайраткері. Ақтөбе облысының Темір ауданында (қазіргі Байғанин ауданы) туған.17 жасынан бастап Нұрпейіс маман ақын болып қалыптасады. Белгілі ақындармен айтысқа түсіп, үнемі жеңіске жетіп жүреді. Көп кешікпей оның есімі тек туған жерінде ғана емес, Оңтүстік Орал, Сырдарияның бойында, Түркменстанда белгілі бола бастайды.
Нұрпейіс Байғаниннің жырлауында «Қобыланды», «Ер Тарғын», «Алпамыс», «Қыз - жібек», «Айман - Шолпан» нұсқалары туған. Бұл ақынның да, көптеген өлең-жырлары бар.

Оқулықпен жұмыс. Поэзия минуты. 
Нұрпейіс Байғаниннің «Амангелді батырым» өлеңін  мәнерлеп оқыту.

1. Қайталап оқыту.

2. Тізбектеп оқу.
3. Мәнерлеп оқу.

Стикерлерден буындар құрастыру, сөзді оқу: ТӘ-УЕЛ-СІЗ-ДІК.

Сергіту сәті: Жамбылдың тәуелсіздік туралы өлеңін тыңдау.

ІІІ. «Ой-толғаныс» кезеңі

Сабақты бекіту. Топтық жұмыс .

1.     «Ақындар»тобы «Бес жолды өлең» құрастыру

2.     «Бейнелеушілер  тобы «3 мин эссе» Ә.Қастеевтің туындысына қарап құрастыру. Ақын батырдың ерлігін қалай суреттейді?

3.     «Сөз тапқыштар» тобы батырлық, ерлік туралы мақалдар айту.

4.     «Ізденушілер» тобы «Семантикалық картаны» толықтыру. Сөздердің мағынасын ашу.

Қорытындылау. «Кім тапқыр?» ойыны
Ойынның шарты: Тақырыпқа сай ұяшықтағы сандарды таңдай отырып, сұрақтарға жауап беру.
Өмірбаяны: 10 – Амангелді батырдың туған жерін ата. (Торғай облысы)
20 - Әкесі кім? (Үдербай)
30 - Қандай отбасында дүниеге келген? (шаруа отбасында)
Мінез-құлқы: 10- Амангелді Иманов кім?(ержүрек батыр)
20 - Қандай өнері бар?( қолбасшылық, ұйымдастырушы)
30 - Мінезі қандай? (ақылды, намысшыл)
Сандар: 10-Туған жылын ата. (1873жыл)
20 - Ұлт-азаттық көтеріліс қашан басталды? (1916жыл)
30 - «Амангелді батырым» өлеңі неше жолдан тұрады? (16)
Сабақ аяғында балалардың көңіл-күйлерін анықтау.
- Енді елімізді, жерімізді көркейтетін, гүлдендіретін - сендерсіңдер. Сол үшін қандай болуымыз керек?
- Білімді, ақылды, күшті, мықты, батыл, ержүрек, намысшыл т.б.
 Бағалау: «Бірін-бірі бағалау» әдісін қолдану.

Үйге тапсырма: «Амангелді батырым» өлеңін жаттау. Сурет бойынша әңгіме құрау. Қосымша деректер жинақтау.

• 1 слайд

  Әдебиеттік оқу
  3 «А» сыныбы
  

• 2 слайд

  1
  2
  3
  

• 3 слайд

  «Қызығушылықты ояту»
  1-топ: «Ақындар»
  2-топ: «Бейнелеушілер»
  3-топ: «Сөз тапқыштар»
  4-топ: «Ізденушілер»
  

• 4 слайд

   
  Жақияның алғашқы соғысы.
  Махамбеттің ақылы.
  Батырдың ерлігі.
  Қосымша деректер.
   
  Үй тапсырмасын тексеру
  

• 5 слайд

  «Сөзжұмбақ»
  

• 6 слайд

  «Сөзжұмбақ»
  

• 7 слайд

  Амангелді Иманов туралы ақпарат
  Амангелді Үдербайұлы Иманов
  Торғай облысында туылған
  1873-1919 жылдары өмір сүрген
  Қазақ халқының батыры
  Қазақстанда тұңғыш ұлттық Қызыл Әскер бөлімдерін ұйымдастырады.
  1916 жылғы ұлт-азаттық көтерілістің басшысы
  

• 8 слайд

  
  
  Жазушы Ғабит Мүсірепов - «Амангелді» пьесасы
  Суретші Әбілхан Қастеев – «Амангелді»портреті, «Амангелді шабуылы», «Торғай жорығы»
  «Ленфильм» киностудиясы – «Амангелді» фильмі
  Амангелді Иманов туралы шығармалар
  

• 9 слайд

  Нұрпейіс Байғанин
  
  1860 - 1945
  
  Жырау,
  ақын
  Өнер
  қайраткері
  
  Ақтөбе обл.
  Темір ауд.
  
  «Қобыланды», «Ер Тарғын», «Алпамыс»,
  «Амангелді батырым» және т.б.
  

• 10 слайд

  Оқулықпен жұмыс
  
  

• 11 слайд

  «ТӘУЕЛСІЗДІК»
  
  

• 12 слайд

   
  «Бес жолды өлең»
  «3 мин эссе»
  Батырлық, ерлік туралы мақалдар
  «Семантикалық карта»
   
  Топтық жұмыс
  

• 13 слайд

  10
  20
  30
  20
  10
  10
  20
  30
  30
  Өмірбаяны
  Мінез-құлқы
  Сандар
  «Кім тапқыр? ойыны
  

• 14 слайд

  1
  2
  3
  

• 15 слайд

  ҮЙГЕ ТАПСЫРМА
  «Амангелді батырым» өлеңін жаттау,
  қосымша деректер жинақтау.
  

Краткое описание документа:

Әдебиеттік оқу

Сабақтың тақырыбы: Амангелді батырым.
Мақсаты: 1) Оқушыларды өлең мазмұнымен таныстыру. Ұлт азаттық көтерілістің батыры Амангелді Имановтың өмірі мен ерлік істері жайында мағлұмат беру. Өз ойларынан қорытынды жасай білуге дағдыландыру.

2) Сөз өнерін бағалауға, көркем ойдың астарын түсінуге, өлең жазуға талпыныс жасау, мәнерлеп оқу дағдысын қалыптастыру. Қосымша деректерді дұрыс қолдана білуге, шығармашылық ізденіске жетелеу, көркем тілмен сөйлеуге дағдыландыру.
3) Туған жер, туған елге деген сүйіспеншілігін арттыру, оларды Отанын сүюге, қорғауға, еліміздің патриоты болуға, елжандылыққа тәрбиелеу.
Сабақтың типі: ашық сабақ
Сабақтың түрі: жаңа сабақ
Қолданылатын стратегиялар: Ой қозғау,сұрақтар стратегиясы, топтастыру стратегиясы, «3 мин эссе», «Семантикалық карта», «Бес жолды өлең құрастыру».
Көрнекілігі: суреттер, слайдтар, сөзжұмбақ, интерактивті тақта, кеспе қағаздар, «Амангелді» фильмі.