Разработка мероприятия "Осенний балл" в старшей группе

                                   ЖШС «Раиса» балабақшасы

                                                                          Дайындап өткізген:Қабытаева Х.Б

                                                       2015 жыл

Балалар музыка әуенімен залға кіреді. Қолдарында жапырақтар болады.

Жүргізуші: балалар, қарандаршы айнала қандай әдемі, айналада түрлі түсті жапырақтар. Бұл жылдың қай мезгілі? Әрине, Күз мезгілі.

Кездескен соң күзімен,

Бұтағынан үзілген.

Ай жапырақ сары алтын,

Айналаның бәрі алтын.

Құрметті ата аналар, қонақтар, балабақша ұжымы «Күз сыйлығы» атты ертеңгілігімізге қош келдіңіздер!  Күз мезгілі көңілсіз болса да,  біздің көңіл күйіміз әрдайым керемет. Ендеше соның дәлелі ретінде ертеңгілігіміздің тақпақтарына кезек берейік.

                                                        Тақпақтар

Аяулым  Қуандырып біздерді,

                 Мерекелі күз келді.

                 Кел жемісті, Алтын күз,

                 Кемелденсін халқымыз.

Аруай      Астық жеміс жиылды,

                 Қамбамызға құйылды.

                 Ардақты күз мың алғыс,

                 Алдық өнім сыйыңды.

 Айнура  Қуандырып балаларды,

                Мерекелі күз келді.

                Кел, жемісті алтын күз,

                Гүлденсін халқымыз.

Ән: « Күз келгенде  »

(әуенмен залға саңырауқұлақ кіреді, қолында себет, ішінде сәбіз, орамжапырақ, жаңғақ, қолшатыр, тәттілер)

Саңырауқұлақ: сәлеметсіңдер ме, балалар? Мен орманнан келген саңырауқұлақпын.  Мен сендерге алтын күзден сыйлық әкелдім. Қарандаршы себетіме (қолшатырды көрсетеді).

Әуенмен жаңбыр жүгіріп келеді.

Жаңбыр: сәлеметсіңдер ме балалар, сәлеметсіңдер ме қонақтар? Мен күзгі жаңбырмын. Үлкен болмасам да мықтымын. Қаласам кенеттен жаңбыржауғызамын.

Қоюланып қара бұлт,

Жаңбыр жауды себелеп.

Жапырақты жамылып,

Жата қалды көбелек.

Әуен қосылады, жаңбыр балаларға су шашады.

Жүргізуші: жаңбыр, жаңбыр, тоқта. Жауыныңды қоя тұр. Одан да сен біздің балалардың тақпақтарын тамашала.

Диас        Сап сары ғып даланы,

                 Бояпты ғой күз деген.

                  Құстар қанат қағады,

                 Қоштасқандай бізбенен.

Юлия Берекесін сыйлауға,

           Ортамызға күз келді.

          Жемістерін жинауға,

          Шақырады біздерді.

Би: «Қолшатыр»

Ән « Осень постучалась к нам»

Саңырауқұлақ: ал менің себетімде жаңғақ та бар, оны  кімге сыйлаймыз?

Тиын: маған, маған. Мен жаңғақтарды жақсы көремін. Сыйлықтарыңа рахмет, енді сендермен ойын ойнағым келіп тұр.

Жүргізуші: тиын ойынды қоя тұр, балалар саған тақпақтарын айтып берсін.

                                    Тақпақтар

Б.Аяжан Көбейді құт береке,

                Астық толы қоймамыз.

                Құтты болсын мереке,

                Алтын күзді тойлаймыз.

Максим  Сары алтындай сары күз,

                 Қамбадағы дәніміз.

                  Шелек шелек балымыз,

                  Ағыл тегіл ағымыз.

Ақбота     Алқаптан бидайды,

                 Қоймаға ел жинайды.

                 Тырнасы тізілген,

                  Ұнатамын күзді мен.

Ән «Күз тамаша»

Ойын: «Жаңғақтарды жина»

Саңырауқұлақ: мына шыныдағы балды кімге береміз? Кім балды жақсы көреді?

Әуенмен аю келеді.

Аю: сәлеметсіңдер ме балалар, сәлеметсіңдер ме қонақтар? Мені неге ояттыңдар? Маған бал әкелдіңдер ме?

Жүргізуші: әрине аю, біз сенің балды жақсы көретініңді білеміз. Міне ала ғой, дәмін тат.

Аю: енді демалуға болады.

Жүргізуші: ұйықтай ғой аю, жақсы түстер көр.

Саңырауқұлақ: себетім де босады, барлықтарыңа сыйлықтарыңды тараттым. Сау болыңдар, мен орманға қайтайын.

Жүргізуші: сау бол, рахмет саған саңырауқұлақ.

Әуенмен Күз келеді.

Күз: сәлеметсіңдер ме балалар, сәлеметсіңдер ме қонақтар? Сендер мені тосып жүрсіңдер ме? Мен де келіп қалдым. Сендермен көңіл көтергім келіп тұр. 

Жүргізуші: алдымен балалардың тақпақтарын тыңдап алайық.

                                                Тақпақтар

Николь Күз келді мінеки,

              Жапырақ сарғайды.

              Жетті желмен алтын күз,

              Жеміс жинау салтымыз.

Ақбота  Алтын сары, қызыл, көк,

               Алуан алуан жапырақ.

               Күзгі бақтар күлімдеп,

               Көз тартады атырап.

Ән: « Осень очень хороша »

Күз: әндедік те, биледік, енді ойын ойнағым келіп тұр. Кеше ормандағы достарыммен көрші ауылға барғанбыз. Ол жақта алма теріп жатыр екен. Сол алмадан сендерге де әкелдім.

Ойын: «жемістер мен көкөністер» (ата анамен)

Жүргізуші: ал енді Күз ханшайымы, сіз біздің көкөністердің айтысын тамашалаңыз.

Сәбіз (Аружан) Өсіретін бойыңды,

                            Дамытатын ойыңды.

                            Қоянға да азықпыз,

                            Сәбіздерміз жазықсыз.

Қызанақ (Әдия) Тал шыбығым бұралып,

                             Бақшаларда қызарып.

                             Тұрған ол мен қызанақ,

                             Күнге қарап ұялып.

Қызылша (Кайра) Ақ түсім бар қант алар,

                                 Қызыл түсім қанға нәр.

                                  Зияным жоқ біліп қой,

                                  Қызылшамын пайдам бар.

Қияр (Лера) Көктеп ерте шырмалып,

                      Өсемін мен бүр жарып.

                       Атым қияр, теріп ал,

                       Жиі жиі суарып.

Қырыққабат (Төлеби) Бақшаларда тізіліп,

                                        Қаперсіз мен жатамын.

                                        Қабат қабат киініп,

                                        Қырыққабат атанып.

Алма (Надир) Мен алмамын, алмамын,

                          Таңдай жұлар бар дәмім.

Күз: жарайсыңдар, балалар, маған сендердің айтыстарың ұнады.

Ән: « Күзгі жаңбыр»

Би: «Жапырақтар»

Күз: өте жақсы балалар, ал енді мына сыйлықты қабыл алыңдар.

Жүргізуші:  Құрметті қонақтар осымен біздің Алтын күзге арналған ертеңгілігіміз аяқталды. Келесі кездескенше сау  болыңыздар.