Сабақ жоспары Әдебиеттік оқу "Ана"(4-сынып)

Ана тілі 4 – сынып                        25.02.2015 ж

Сабақтың тақырыбы	Ана Баубек Бұлқышев
Сілтеме	Жоспар   4-сынып
Жалпы мақсаты:	1. Оқушыларға Баубек Бұлқышев туралы жалпы мағлұмат беру. Ана мәтінінің мазмұнын ашу. Мәтінді мәнерлеп, ырғақпен оқытуға жаттықтыру. 2. Оқушылардың ой - өрісін, дүниетанымын кеңейту, шығармашылықпен жұмыс істеуіне ықпал ету, сөздік қорын молайту. 3. Ананы құрметтеуге, оған деген махаббаттың тіл жеткісіз болуына тәрбиелеу.
Күтілетін нәтиже:	1.Ананың тілегі, ананың махаббаты туралы мәтіннен оқып,көркем сөздермен мәтінді мазмұндайды.  2.Ана туралы мақал – мәтелдерді жатқа айтады. 3.Топтық жұмыс жасау барысында өз ой пікірлерін айта алады.
Негізгі идеялар:	Оқушылар топта жұмыс істеу арқылы тақырыпты өзара талдау арқылы игереді.Оқушылардың тақырыпты түсіну деңгейін анықтау, түсінік деңгейін ескере отырып шешім қабылдау.
Оқушының іс - әрекеті	Топта бірлесіп оқиды. Берілген тапсырмала бойынша жеке, топтық тапсырмаларды жасайды. Сұрақтарға жауап береді.
Сабақ типі	Жаңа білімді меңгерту сабағы
Әдісі	Түсіндірмелі, топтық, жеке, сұрақ  - жауап, эссе, «Мәтін бөліктері» о.ү.о, «Кезбе тілші» әдісі
Көрнекілігі	Интерактивті тақта, тақырыптық слайдтар, үлестірмелі қағаздар.
Сабақтың барысы	1. Ой қозғау 2.Топтық тапсырма (презентация) 3. Мәтін бөліктері 4. Жұптық жұмыс 5. Жеке жұмыс (хат жазу ) 6. «Кезбе тілші» әдісі

Сабақ бойынша мұғалімнің жазбалары: (мұғалім және оқушылардың  іс-әрекеті)

I.Ұйымдастыру кезеңі

1.Сәлемдесу

2. Психологиялық икем

II. Топқа бөліну (түймедақ, роза, раушан, қызғалдақ гүлдерінің суреттері арқылы төрт  топқа бөлінеді)  (3 – мин)

ІІІ. Барлық кезеңдерін таныстыру. Бағалау түрлерін айту  (2 – мин)

(« Екі жұлдыз, бір ұсыныс», «Бағдаршам», « Бармақпен», бағалау парағы) 

ІV. Ой қозғау.  Топтық жұмыс  (5 – мин)

«Ана» деген сөзді қалай түсінесіңдер?

Ауызша бағалау (жарайсың, керемет, тамаша)

V. Кіріспе. Топтық жұмыс. (5-мин) Интерактивті тақтадан Баубек Бұлқышев туралы мәліметтер көрсету. Көрсетілген мәліметтер мен оқулықтағы мәліметтерді пайдалана отырып, автор туралы топтастыру құрау

"Бағдаршам"  арқылы  бағалау

VI. Жаңа сабақ

" Миға шабуыл" «Ана» туралы монологтан үзінді  тыңдату  2 – мин

VIІ." Мәтін бөліктері"  әдісі. 5 – мин

 Әр топтан оқушы мәтіннің  бір бөлігінен мәнерлеп оқиды. 

Талдау үшін бейне сұрақтар беріледі.  
-Мәтін кім туралы айтылған?

-Теңізге нені теңейді?
-Ананы қай кезден бастап іздейсің?
-Ананы қалай қадірлеу керек?
VIIІ. Топтық жұмыс (7 – мин)

1 – топ «Менің аяулы анам» эссе жазу. 

2 – топ «Ардақты анам» өлең құрастыру

3 – топ Аналарыңа құттықтау сөз дайында

4 – топ «Сүйікті анашыма» тақырыбында сурет салу

"Екі жұлдыз, бір ұсыныс" арқылы бағалау

Сергіту сәті «Құттықтаймын, ана, туған күніңмен» өлеңін айту. (2 – мин)

IХ .Жұптық жұмыс  «Ана» туралы мақал – мәтелдің жалғасын табу ( 3 – мин)

1."Ананың көңілі балада, ..................................."

2. "Ананың сүті—бал,
...................................

3. "Ата - асқар тау, ......................., бала - жағасындағы құрақ"

4. "Атаға қарап ұл өсер, .............................."

5. "Анаңды Меккеге үш рет арқалап апарсаң да,........................"

6. "Анасыз өмір — .......................... "

7. "Ана аяғының астында ......................"

8. "Ата көрген оқ жонар, ................................."

9. Ана сүтін ақтамағанды ...................................

10. Ағайын - алтау, .................

11. «Бес жолды» өлең құрастыру

12. «Ана» сөзіне ребус құрау

Х. Бекіту (5 – мин)

1.      Жеке жұмыс «Анама хат» барлық оқушы өз аналарына хат жазады.

2.       «Кезбе тілші» әдісі. Бір тілші оқушы шығып 4 – топқа сұрақтар қояды.

   - Әр баланың анаға деген махаббаты қай кезден басталады деп ойлайсың?
   - Сенің анаң не деп немесе қалай еркелетеді?
   - Ана туралы бір шумақ өлең оқып бер
   - Аналар мерекесі қай кез? Анаңа не сыйлайсың?
   - Сенің анаңның туған күні қашан?
   - Сен анаңның құшағынан нені сезінесің?
ХІ.Рефлексия 3 – мин

Сыныптың  ер балалары қыз баларға гүл ұсынып, бүгінгі сабақтан алған ойларын, әсерлерін айтады.

ХІІ.Бағалау 2 – мин

ХІІІ. Кейінгі тапсырмалар «Асыл әжем» тақырыбына шығарма жазу

Кейінгі оқу  Мәтінді дауыс ырғағына келтіріп жаттау.