Сценарий по башкирскому языку "Ҡунаҡтарҙы ҡаршы алыу"

          Ҡунаҡтарҙы ҡаршы алыу .

Йыһаҙландырыу: Башҡорт аштары менән мул итеп йыйылған табын .

Мәҡәлдәр: “Икмәк – тоҙ – яҡты йөҙ”.

                     “Милли аш, милли йөҙ”.

“Йыуаса” көйөнә Гөлназ бейей.

               (бейеп бөткәс ҡунаҡтарға әйтә)

Бауырсағы тәмле икән, һеҙҙә ашап ҡарағыҙ!

Азамат. Ҡаршылайбыҙ һеҙҙе

                Ихлас күңел менән

                Асыҡ сырай һеҙгә

                Яҡты йөҙ.

                Ауыҙ итегеҙ башҡорт аштарынан,

                Һеҙ килгәнгә

                Бик тә шатбыҙ беҙ.

“Грузин сәйе” йырын Элвира башҡара.

                Грузин сәйе тәмле була

                Эсһәң татлы бал менән

                Ҡара ҡаршы ултырып ҡына

                 Йәнең һөйгән йәр менән.

Азамат.  Бешерҙек тә бешерҙек,

                 Һөҙөп – һөҙөп төшөрҙөк

                 Сәксәктәр бейей майҙа,

                 Тирләп сыҡты маңлай ҙа!

                 Күҙ яуын ала сәксәк

                 Бөтәһенә етәсәк.

Миляүшә.Аш – һыуҙар – табын күрке,

                 Бешерҙек әллә күпме.

                 Ит бәлеше затлынан,

                 Һанала ул татлынан.

Лилиә.    Самауыр ҙа аҡ толомон һелкә,

                 Быуын бөркә оло табында.

                 Тәм томдарың, әйҙә, ары торһон,

                 Күпереп торған икмәк алдында.

Хөрмәтле, ҡунаҡтар!

Башҡорт аш – һыуҙарынан рәхим итеп ауыҙ итегеҙ!