Шара "спорт денсаулық кепілі" балабақша

«Спорт денсаулық кепілі».

Мақсаты: Балабақшамен ата – ана арасындағы жақсы қарым қатынас орнату және ата – аналардың қоғамдық жұмыстарға араласуына жағдай жасау, дене шынықтырумен жиі айналысу. Жарыс ойындарына қызығушылықтарын тудыру және бір – біріне деген достық қарым- қатнастарын орнату.

Жүргізуші: Құрметті, аналар балабақша ұжымы бүгін аналар арасында ұйымдастырылып отырған «Спорт денсаулық кепілі» атты отбасылық сайысымызға қош келдіңіздер!

Жүргізуші:

Аналар отыр сынға түскелі,

Сыналмақшы ептілік пен күштері.

Әрбірінің жігер – күші жалындап

Жеңіс сәтін тағат таппай күткені,

Спорт десе таза біздің арымыз,

Жалындайды сайысқанда жанымыз,

Сайысатын тобымызды бүгінгі қарсы алайық қошеметпен бәріміз.

Құрметті көрермендер! Сіздердің алдарыңызда бүгінгі сайысқа қатысушы аналарды қошеметпен ортамызға шақырамыз.

Жүргізуші:

Ал сайыскер топтар,

Ешкімнің жоқ алалар.

«Жеңімпаз» болу үлкен сын,

Оны әділқазың бағалар.

Ашық жарқын жүзді,

Әділқазылар біздің

Таңдап баға беруге,

Шақырайық төрге деп әділқазылар алқасын таныстырып өтейін.

1.     «Бөбекжай» бөбекжай бақшасының меңгерушісі Жиенбаева Фарида Кенжеғалиқызы.

  2. «Бөбекжай» бөбекжай бақшасының «Балбөбек» ІІ кіші тобының тәрбиешісі Дания Арыстанбайқызы.

  3. «Бөбекжай» бөбекжай бақшасының : шаруа ісінің меңгерушісі:Амина Үсенқызы

Жүргізуші: Аналар,өз тобымызды анықтап алу үшін әділқазының алдындағы санды аламыз.

(Аналарымыз ең алдымен жеңіл қозғалуымыз үшін денемізді қыздырып жаттығуымызды жасап аламыз).

Жүргізуші:

Аналар бар өнерін салары анық,

Өнегелі тәлімді алған қанып.

Ал ендеше таныстырып өтейін мен,

Бөлімдерін сайыстың бөліп жарып.

Ойын шарты: 7 турдан тұрады.

1.     «Секірмек»

2.     «Көңілді доп»

3.     «Кенгуру»

4.     «Қырықаяқ»

5.     «Шегірткелер»

6.     «Жұмыртқаны түсірме»

7.     «Арқан тартыс»

Жүргізуші: Міне, бүгінгі жарысымыз осындай турлардан тұрады. Ендеше жарысқа қатысушы жас спортшылар барлығыңызға сәттілік тілеймін.

Өнер қуып сайыскерлер өтер дейміз,

Бір басына өнер жетер дейміз,

Жарысқа келген аналар тобыменен,

Таныстырып өнерін өтсе дейміз.

Аналарымыздың таныстыруына кезек береміз.

·        Команда аты, ұраны, эмблема. (әр команда өз эмблемасымен, топ атымен таныстырады).

Жүргізуші: салауатты өмір салтын қолдаймыз,

Жамандықтан жанымызды қорғаймыз.

Денсаулықты жанымызға серік қып,

Болашаққа аманат қып жолдаймыз – дей келе бүгінгі жарысымызды бастаймыз.

1.«Секірмек» мұнда секіртпемен кедергілердің арасымен, құлатпай бар жылдамдықпен мәреге жетуі тиіс. (Әділ қазылар сіздердің бағаларыңыз).

    2.«Көңілді доп» (екі аяқтың ортасына допты қысып белгілерден айналып мәреге жету).     (Әділ қазылар сіздердің бағаларыңыз).

    3.«Кенгуру» (қаптың ішіне кіріп қос аяқпен секіреміз). (Әділ қазылар сіздердің бағаларыңыз).

4.«Қырықаяқ» (әр топ өз ойыншыларының белдерінен ұстап белгіленген жерден айналады, қай команда ағытылмай мәре сызығынан бірінші өтсе сол команда жеңіске жетеді). (Әділ қазылар сіздердің бағаларыңыз).

5. «Шегірткелер» (Бір аяқты көтеріп, бір қолмен белгіден айналып өтсе сол команды жеңіске жетеді). Әділ қазылар сіздердің бағаларыңыз.

6.«Жұмыртқаны түсірме» (кедергілер арасымен қасықтағы жұмыртқаны түсірмей өтіп, қайта келеді. Бірінші келген топ жеңімпаз). (Әділ қазылар сіздердің бағаларыңыз).

7. «Арқан тартыс»

Жүргізуші: Құлақтан кіріп бойды алар,

Жақсы ән мен тәтті күй.

Көңілге түрлі ой салар,

Әнді сүйсең менше сүй – деп «Бөбекжай» бөбекжай бақшасының тәрбиешісі: Қалмағанбетова Ақмаралды «Анашым» әнімен ортамызға шақырамыз.

Жүргізуші: Ал, құрметті спорт сүйер қауым, бүгінгі сайысымыздың жеңімпаздары да анықталады.

Қазылар орнықтырар әділдікті,

Кімдердің бірліктері кәміл мықты,

Жеңіске жетер дейміз нағыз мықты.

Жеңсек біз жеңдік деп тасымаймыз,

Жеңілсек, жеңілдік деп жасымаймыз.

Жығылсаң жер көтерер деген екен,

Реніш өкпелеуге қосылмаймыз – деп сөз кезегін әділ қазыларға береміз.

Құттықтау сөз: «Бөбекжай» бөбекжай бақшасының меңгерушісі: Ф.Ж.Кенжеғалиқызына сөз кезегін береміз.

Жүргізуші: Құрметті ата-аналар, бүгінгі «Спорт – денсаулық кепілі» атты сайысымыз өз мәресіне келіп жетті. Бүгінгі қатысқан аналарымызға алғысымызды білдіреміз. Алдағы уақытта үлкен биіктерден көріне беріңіздер. Болашақтарыңыз жарқын болғай. Деніміз сау болсын!

Бүгін міне оң болып, әр ісіміз,

Жоғары боп күш жігер, намысымыз,

Осылайша қуанышпен думандатып,

Аяқталды халайық жарысымыз!