“Төсле таякчыклар“ Беренче кечкенәләр төркемендә иҗади сәнгать үсеше (рәсем) эшчәнлеге конспекты

Лилия Солтанова

Актаныш районы Яңа Әлем балалар бакчасының I квалификация категорияле тәрбиячесе

Тема: “Төсле таякчыклар“ Беренче  кечкенәләр төркемендә иҗади сәнгать үсеше (рәсем) эшчәнлеге

Максат: Балаларны, пумала кулланып, буяулар белән рәсем  ясарга өйрәтүне дәвам итү, пумаланы дөрес тотарга өйрәтү, вертикаль сызыклар сызарга өйрәтү.

Бурычлар:

1.Пумала кулланып, буяулар  белән эшләү алымнарын (оч бармак белән “Кош авызы” ясап пумаланы тоту) ныгыту.

3.Буяулар белән эшләргә кызыксыну уяту, пөхтә эш итә белергә өйрәтү;

4.Үзара дустанә мөнәсәбәт тәрбияләү.

Җиһазлар: Буяулар, кәгазь бите, салфеткалар, суы түгелми торган стаканнар

Эшчәнлек барышы

Сюрприз момент.Песи кычкырган тавыш ишетелә.Балалар песине эзлэп табалар.

Тәрбияче. – Нәрсә булды,  Пескәй? Нигә кычкырасың?

Куянкай. – Мин йокыга киткәч,минем төсле таякчыкларымны тычкан баласы оясына алып кереп киткән.Минем уйныйсым килгән иде,хәзер инде уйнарга таякчыкларым юк.

Тәрбияче. – Борчылма әле син Пескәй, без сиңа булышырбыз, без сиңа балалар белән күп итеп төсле таякчыклар  ясап бирербез. – Бирәбезме балалар?

Балалар. – Бирәбез.

Тәрбияче.- Пескэй син утырып тор.

Тәрбияче.-Балалар, ә хәзер таякчыкларның үзлекләрен карап үтәбез (озынча, төрле төстә, төрле корылмалар төзеп була, комда рэсем ясарга мөмкин).

Ял минуты:

Менә минем бармаклар

Шаян алар,дус алар

Бармаклар гел уйныйлар

Уйный – уйный туймыйлар

Менә минем бармаклар:

Бабай бармак,әби бармак

Әти бармак,әни бармак һәм чәнчә

Бик дус алар,гел бергә.

Тәрбияче.-Ә хәзер балалар,мин сезгә таякчыклар ясарга йөрәтәм. Пумаланы дөрес итеп, өч бармак белән тотабыз,  су кертәбез, сак кына “Матур күлмәк” кигерәбез. Вертикаль сызыклар сызабыз. Ә хәзер шушы хәрәкәтләрне һавада ясап карыйбыз.

Урыннарда эшлибез.

Тәрбияче.-Менә. Пескәй ,күрдеңме балалар сиңа ничек күп итеп таякчыклар  ясап бирделәр, хәзер инде рәхәтләнеп уйный аласың.

Пескәй. Рәхмәт сезгә балалар.Әйдәгез дусларым бергәләп “Пескәй килгән бакчага” җырын җырлап алабыз.

Йомгаклау. Балалар без бүген кемгә булыштык? Өйгә кайткач кемгә сөйләрсез?

Краткое описание документа:

Максат: Балаларны, пумала кулланып, буяулар белән рәсемясарга өйрәтүне дәвам итү, пумаланы дөрес тотарга өйрәтү, вертикаль сызыклар сызарга өйрәтү. Бурычлар: 1.Пумала кулланып, буяуларбелән эшләү алымнарын (оч бармак белән “Кош авызы” ясап пумаланы тоту) ныгыту. 3.Буяулар белән эшләргә кызыксыну уяту, пөхтә эш итә белергә өйрәтү; 4.Үзара дустанә мөнәсәбәт тәрбияләү. Җиһазлар: Буяулар, кәгазь бите, салфеткалар, суы түгелми торган стаканнар