Телеүзгдлин наадн-марһан «Алтн булг» Үлдчн селәнә гимназьд давулһна тускар.

Амн үгин билг – әмтнә чилн-чилшго зөөр. Хальмг кел дасхд амн үгин билг ик тусан күргнә. «Тосн кевтә илн келдг, торһ-томчар кеерүлн келдг» - эн уурхан саңгас ундан хәрүлн уул хальмг келән дасад авхла, сән болх.

         Авъяс-заңшал, үлгүрмүд, тәәлвртә туульс, йөрәлмүд, олна дуд, «Җаңһр», ут туульс нань чигн жанрмуд  амн үгин билгт темдгтә орм эзлцхәнә.

         «Келтәнь – уралан, кел угань – хооран» гиҗ, үгтә-күүртә әмтән бууляд-магтад келчксн үг бәәнә.

         Урн үг бичкдүдин җирһлд экнәсн авн олзлгдна. «Күн болх баһасн …» гидг. Шинкн эргндк хамган үзҗәх нилх-күүкд болһамҗта хәләцәр кү шинҗлнә. Цөөкн долан хонгас экән, ээҗ-ааван чирәһәрнь, дууһарнь таньҗ байрлна. Эннь – җирһлин нег җигтә авнь.

         Хөмөстәһәсн авн тав күртл бичкдүдин чееҗнь йир кив. Нег үзсән тәвдго, нег соңссан мартдго насн – гиҗ нертә шинҗләчнр темдглнә. Тавта күүкдәс нан күртл негхн ишкдл.

          Телеүзгдлин наадн-марһан «Алтн булг»  Үлдчн селәнә гимназьд даңгин давулгдна. Наадна негдгч девсңгд мана «Алтн торһа» гидг команд нүүрлгч орм эзлв. Эн девсңгд Приютна района тавн школмуд орлцад, билг-эрдмән үзүлсмн. Хойрдгч девсңгд 2-гч орм авв. Зональн  девсңгд Яшалтан, Городовиковин болн Приютна райод марһв. «Алтн булг» наадн-марһан соньн, нәәртә-шуугата болв. Завсрин кемд күүкд-көвүд хальмг би бииләд, дуулад бәәв. Өвкнриннь авъяс-заңшал, үлгүрмүд, дуд сәәнәр меддг бәәҗ. Тернь сән. «Ахр шог» гидг  наадна әңгд күүкд йосндан әмт инәлһәд бәәцхәв. Хамгин шогта Үлдчнә гимназин 10 классин сурһульч Монтан Эльза болн Песчан школын 11 классин сурһульч Шаршиков Роман болҗ һарцхав.

         Элст балһснд Яшалтан школын сурһульчнр йовх гиҗ күндтә жюри тоолв.

         «Алтн булг», «Җаңһрин ачнр», «Туулин дееҗ», «Амн үгин зөөрин билгтнр» гидг марһад, наадд,фестивальмуд күүкд-көвүдин келлһнь хурцулулна. Yлдчн селәнә үндсни гимназин сурһульчнр иим керг-үүлдврмүдт шунмһаһар орлцна.

Краткое описание документа:

Телеүзгдлин наадн-марһан «Алтн булг»  Үлдчн селәнә гимназьд даңгин давулгдна. Наадна негдгч девсңгд мана «Алтн торһа» гидг команд нүүрлгч орм эзлв. Эн девсңгд Приютна района тавн школмуд орлцад, билг-эрдмән үзүлсмн. Хойрдгч девсңгд 2-гч орм авв. Зональн  девсңгд Яшалтан, Городовиковин болн Приютна райод марһв. «Алтн булг» наадн-марһан соньн, нәәртә-шуугата болв. Завсрин кемд күүкд-көвүд хальмг би бииләд, дуулад бәәв. Өвкнриннь авъяс-заңшал, үлгүрмүд, дуд сәәнәр меддг бәәҗ. Тернь сән. «Ахр шог» гидг  наадна әңгд күүкд йосндан әмт инәлһәд бәәцхәв. Хамгин шогта Үлдчнә гимназин 10 классин сурһульч Монтан Эльза болн Песчан школын 11 классин сурһульч Шаршиков Роман болҗ һарцхав.