Урок беларускай
мовы у 3 класе
Тэма: Агульныя
звесткi аб часцiнах мовы
Мэта:
o даць агульныя звесткi аб часцiнах
мовы;
o развiваць уменне распазнаваць часцiны
мовы, знаходзiць iх у тэксце;
o развiваць вусную i пiсьмовую
мову дзяцей;
o выхоўваць пашану да роднай мовы, любоў да роднай
прыроды.
Ход урока:
1.
Арганiзацыйны
момант.
Мова! Родная мова!
У марах, у песнях, у снах.
Мае ў ей кожнае слова
Свой колер, i смак, i пах.
А.Грачанiкаў
- Толькi чалавек, якi любiць I
паважае сваю мову мог напiсаць такiя прыгожыя радкi. А каб любiць
мову, трэба яе ведаць, пiсаць I размаўляць на ёй. I сёняшнi ўрок
– гэта яшчэ адзiн крок да вывучэння роднай мовы.
II. Аб’яўленне тэмы ўрока. Пастаноўка вучэбных
задач.
Будзем вучыцца:
- распазнаваць часцiны мовы;
- вызначаць iх у тэксце;
- будаваць сказы пры дапамозе дадзеных часцiн мовы.
- Сення на ўрок я запрасiла Чараўнiцу-зiму. Разам з ёй мы будзем падарожнiчаць па
яе ўладаннях I выконваць розныя заданнi. А каб нам было ўтульна
побач з гэтай халоднай прыгажуняй, працаваць будзем у групах.
III. Чыстапiсанне.
зiма зiмовы перазiмаваць
У зiмовае ўбранне апрануўся лес.
- Пачнём нашу работу з чыстапiсання. Працаваць будзем над безадрыўным напiсаннем.
Разгледзьце ўзор на дошцы. Якая лiтара прысутнiчае ў гэтым узоры?
- Напiшам у паветры разам са мной.
- Запiшыце ў сшытак, сачыце за безадрыўным напiсаннем,
нахiлам лiтар, даўжынёй падрадковых элементаў.
- Пастаўце пытанне да слова зiма. Што абазначае? Да якой часцiны мовы
адносiцца?
- Змянiце слова, каб яно адказвала на пытанне якi? (Зiмовы)
- Што абазначае? Якой часцiнай мовы з’яўляецца?
- Якая частка слова дапамагла ўтварыць новае слова? (Суфiкс)
- Якая яшчэ частка слова служыць для ўтварэння новых слоў? (Прыстаўка)
- Пры дапамозе прыстаўкi пера-
утварыце новае слова, каб яно адказвала на
пытанне што зрабiць? (Перазiмаваць)
- Да якой часцiны мовы адносiцца? Дакажыце.
- Запiшыце гэтыя словы ў сшытак.
- А зараз складзiце сказ з дадзеных слоў: убранне, лес, зiмовае,
апрануўся.
- Якой часцiны мовы не хапае? (Прыназоўнiка у)
- Для чаго служыць прыназоўнiк?
- Якi сказ атрымаўся? (У зiмовае ўбранне апрануўся лес.)
Запiсваюць сказ з каменцiраваннем. Вызначаюць часцiны мовы.
Гутарка аб прыгажосцi зiмовага леса, ролi леса ў жыццi чалавека.
IV.Работа ў групах.
- Памятайце – важна не толькi самому добра выконваць заданне, але і
сябрам дапамагчы. Важны не толькi асабicты вынiк, але і вынiк
работы ўсёй групы.
- I вось першае заданне. Кожная група павiнна расказаць пра адну з
часцiн мовы: што абазначае, на якiя пытаннi адказвае, прывесцi прыклады.
Групы атрымлiваюць назву: назоўнiкi, прыметнiкi, дзеясловы,
прыназоўнiкi.
- Чараўнiца-зiма хоча напомнiць вам аб важным зiмовым абавязку. Пра яго
вы даведаецеся з верша П.Сушко «Сярожкавы сябры».
Па садочку заiнелым,
I сняжку пушыстым, белым
Памiж вiшанькаў Сярожка
Пратаптаў сваю дарожку.
Важны ў хлопчыка занятак –
Падсыпаць штодня зярнятак
У птушыныя кармушкi.
Дружаць з iм за гэта птушкi.
-Чаму птушкi сябруюць з хлопчыкам? Гутарка аб дапамозе птушкам зiмой
.Растлумачваюць незразумелыя словы ў вершы.
- Выпiшыце з верша часцiны мовы, якiя адпавядаюць назве вашай групы.
Выконваюць заданне, а потым даказваюць, чаму менавiта гэтыя словы
выпiсалi.
V. Фiзкультхвiлiнка.
Што за цуд? Ляцiць зiмой
Матылькоў бялюткiх рой.
А ў дварах – дзiцячы смех:
Падае ж цiха снег!
Скачуць дзецi. Шум I смех.
У камы качаюць снег.
I з вясёлаю ўсмешкай
Б’юць адзiн другога снежкай.
VI.Работа ў групах.
1. Чытаюць правiла ў падручнiку, с.203, аб часцiнах мовы.
2. Размеркаванне слоў па часцiнах мовы.
- Запiшыце дадзеныя словы: марозны, замарозiў, мароз, снег, заснежыла,
снежная, заледзянела, лёд, ледзяная ў тры слупкi.
Назоўнiкi Прыметнiкi Дзеясловы
3. Праверка задання.
VII. Зарадка для вачэй.
Музыка з альбома П.I.Чайкоўскага «Поры года».
VIII. Работа ў групах па картках.
1.- Дапоўнiце сказы патрэбнымi часцiнамi мовы.
Бялюткiя сняжынкi кружацца ў паветры. Хутка ўся зямля апынулася пад
белым пушыстым покрывам. Некаторыя маладыя дрэўцы сагнулicя ад цяжару снега да
самае зямлi. А на соснах I елачках з’явiлiся белыя пухнатыя шапкi.
Словы для выкарыстання: зямля, ад, сагнулiся, бялюткiя, на, дрэўцы,
кружацца, у, шапкi, пушыстым, да, апынулася, пад, пухнатым, з’явiлiся,
сняжынкi, маладыя.
Кожная група вучняў устаўляе ў сказы сваю часцiну мовы: 1група –
назоўнiкi, 2 група – прыметнiкi, 3 група – дзеясловы, 4 група – прыназоўнiкi.
2. Праверка задання.
3. Даюць загаловак тэксту.
IX. Рэфлексiя. Гульня «Так» -- «Не».
- Назоўнiкi адказваюць на пытаннi хто? што?
- Назоўнiкi абазначаюць дзеянне прадметаў.
- Дзеясловы адказваюць на пытаннi якi? якая? якое?
- Дзеянне прадметаў абазначаюць дзеясловы.
- Прыметнiкi адказваюць на пытаннi што рабiў? што зрабiў?
- Прыметнiкi абазначаюць прымету прадметаў.
- Прыназоўнiкi служаць для сувязi слоў у сказе.
Калi вучнi згодны з выказваннем, тады ў рамачцы ставяць знак «+», калi
не – «-».
Оставьте свой комментарий
Авторизуйтесь, чтобы задавать вопросы.