Урок "Ән жұмбақ" 6 класс

«Ән-жұмбақ» білім сайысы

Мақсаты: Оқушыларды өз ортасында, өзге ортада еркін сезіне алуға, тапқырлыққа, мәдениеттілікке, эстетикалық тәрбиелікке, өнерін орынды көрсете білуге, өзін қоршаған ортаға сыни көзбен қарауға үйрету. Ұйымдастырушылықпен өнерге деген қызығушылығын арттыру.

Жүргізуші: Армысыздар, саналы сөзді сары алтыннан артық бағалаған қадірменді қонақтар мен құрметті ұстаздар және білім алушылар!

Ақыл ой ақындықтың киесі-Абай!

Түгел сөздің түбі бір жүйесі – Абай!

Адамдық ар – ұяттың данышпаны

"Өлең-сөздің патшасы" да иесі – Абай демекші, бүгінгі 6 - сынып оқушыларымен өткізгелі отырған «Ән-жұмбақ» сайысымызға қош келдіңіздер!

Жүргізуші:

Бар өнерді енді ортаға салайық

Бұл сайыстан үлкен сабақ алайық

Сайыскерлер өнерлерін паш етсін

Қошеметпен, қарсы алайық халайық! (ортаға оқушылар келеді)

Әділ қазыларды таныстыру

Жүрегі – жаз, тілегі, жаны - көктем

Нәр алған Төле, Әйтеке, Қазыбектен

Әділ қазы алқасын таныстырып

Өтейін сөз айтатын әділеттен.

                 1) Еңбек пәнінің  мұғалімі – Жиенбекова Атіркүл апай

                2) музыка пәнінің мұғалімі – Нұрнияз Ақбөпе апай

                3) бастауыш сынып мұғалімі – Кенжебаева Алтынай апай

Сайыс шарттарымен таныстыру:

1) Таныстыру ( әр команда өздерін таныстырып өтеді)

2)"Кім білгір" (пәнге байланысты сұрақ жауап)

3) "Ән-жұмбақ"(Әндерді табу, авторын айту ары қарай жалғастыру)

4) "Ойлан тап"(өлең жолдарындағы сөзден мақал- мәтел айту)

5) "Кім жүйрік" (Жасырылған әнді табу)

Таныстыру

Жүргізуші: Кез келді сайыс жүгін табыстырар,

                    Өнерді бір-бірімен салыстырар

                    Ал қазір алдарыңда көрерменім

                   Сайыстап өзін өзі таныстырар

Ортаға бірінші топты шақырамыз

Сәлемдесуі:

Біз дайынбыз бұл сайысқа, достарым

Көрсетеміз бізде қандай күш барын.

Алға қойған мақсатымыз бір екен

Сәтті болсын сапарымыз әрдайым

«Қорқыт» тобынан қарсылас топқа сәлем!

Ұраны:         Білікті бірді жығар

                     Білімді мыңды жығар.

2-топ

Сәлемдесуі: Қиындықтан сірә да біз қашпаймыз

Алғырлық пен тапқырлықты ұштаймыз

Қиялдарға самғап ұшқан құстаймыз

Шегінбейміз, жеңістерге бастаймыз.

«Құрманғазы» тобынан қарсылас топқа сәлем.

Ұраны: Қандай сынақ болса дағы беріспе,

           Әр қашанда үміткерміз жеңістен.

"Кім білгір?" ойыны (пәнге байланысты сұрақ – жауап)

1. Операда жеке орындалатын ән?

2. Үлкен музыкалы-драмалық шығарма қалай аталады?

3. Динамикалық қанша белгі бар?

4. Қазақстан композиторлары қай жылдан бастап оркестірге арналған шығармалар жаза бастады?

5. Екпін дегеніміз не?

6. Орындаушылық мүмкіндікті дамытуға арналған шығарма қалай аталады?

7. Бір әуенді қайталаған сайын бірнеше түрге салып құбылту, өрнектеп әсерлеу қалай аталады?

8. Қазақстандағы ән-романс жанрына алғаш жол салған композиторларды ата.

9. "Алатау", " Саржайлау", "Өз елім",әндерінің авторын ата.

10. Ересек адамдар хорында ерлер мен әйелдер дауысы қалай аталады ?

«Ән-Жұмбақ» ойыны

Жүргізуші:

Біздің халық өнерге мол, бай тегі,

Әнші деп те, күйші депте айт оны

Әнге сенің қанша икемің бар екен?

Тыңдап алып жалғастырсақ қайтеді?!-деп өнерін бейіммен тексерелік.

1. "Анашым"   авт.

2. "Құстар қайтіп барады" авт

3. "Сағындым Алматымды: авт

4. "Дудар-ай" халық әні

5. "Маралдым" авт

6. "Әке туралы жыр"

7. "Көзімнің қарасы"

«Ойлан тап» ойыны

Өлең жолдарындағы сөзден мақал-мәтел құрау, айту

Асыл сөздің ұстасы

Ақын болар ұрпақпыз

Өнер, білім, еңбекке,

Жақын болар ұрпақпыз

Он саусағы майысқан,

Шебер болар ұрпақпыз

Тұла бойы толған бір,

Өнер болар ұрпақпыз.

«Кім жүйрік»

Жүргізуші:

Сайыстырып шыңдаймыз өрендерді

Үйретеміз ән, жырды, өлеңді енді

Көрелік шәкірттердің жүйріктігін

Өлеңдерді қалай жатқа біледі - екен

1.Еркем-ай. Қаз халық әні

2.Ақ бантик. Ш. Қалдаяқов

3.Атамекен Е.Хасанғалиев т.б.

Жүргізуші:

Білім-теңіз, мектепті кеме дейміз

Білім  мен тәрбие егіз, неге дейміз.

Әдебі мен тәлімі үндесетін,

Жастарды болашаққа еге дейміз.

Қош дейміз, әлі талай сайыстар бар,

Өнерлерің өрлей берсін, қайыспаңдар.

Ойлы орта кеңейсін күннен күнге,

Өскен елдің жұртынан қалыспаңдар, -дейотырып, бүгінгі сайысымызды аяқтаймыз

Қазылар алқасына сөз берелік.

Қортынды сөз:  Мектеп директорының оқу – тәрбие ісі жөніндегі орынбасары Мырзабаева Баян Баймұратқызы оқушыларға өзінің жылы ле біздерін білдіріп, келешекте үлкен үміт арттырғанын айтты.  

 

«Қайнар» мектеп – гимназия» мемлекеттік мекемесі

 

Дайындаған: Маханова Л.Ж.

2012 – 2013 оқу жылы