Урок на тему "Отбасым" 6 класс

ШҚО, Семей қаласы

«Қосалқы мектеп-интернат» КММ

Дефектолог-мұғалім Бекбосынова Балжан Мухаметкалиевна

Сабақтың тақырыбы:  «Отбасы».

Сабақтың мақсаты: Отбасы тақырыбына байланысты түсініктерін, алған білімдерін тиянақтап, бекіту.

Сабақтың міндеттері:

-       Білімділік: отбасы тақырыбындағы суреттер бойынша сөйлемдер құрап жаза білу;

-        Түзету- дамытушылық: әр оқушы өз отбасына байланысты сұрақ-жауап арқылы тілдерін дамыта отырып,  сөз қорларын байыту, ойлау қабілеттерін арттыру.

-       Тәрбиелілік: Отбасы мүшелерінің өзара сыйластыққа, үлкенді құрметтеп, қамқор болуға бейімдеу, әдептілікке баулу.

Сабақтың көрнекілігі: тақырып бойынша жасалған слайдтар, отбасы ағашы.

Сабақтың түрі: бекіту сабағы.

Сабақтың барысы:

1.Ұйымдастыру кезеңі.

1.1.  Амандасу – Сәлеметсіздер ме, балалар!

                      - Қазір қандай сабақ?

                     - Қазақ тілі сабағында не істейміз?

                     - Қазір қай жыл мезгілі?

                      - Қыс айлары ата.

1.2. Мұғалімнің сөзі:  Бүгінгі кезекші дыбысымыз:  «Ғ» -дауыссыз, ұяң (звонкие) дыбыс, сөздің басында, ортасында кездеседі.

Мұғалім өзі оқиды,  оқушыларға хормен оқытады.

ҒА-ҒА-ҒА ұяға қонды қарға

ҒУ-ҒУ-ҒУ бүгін далаға шығу.

2. 1. Үй жұмысын тексеру. Отан, отбасы туралы мақал –мәтелдерді оқыту. 1- слайд

 

2.2.  Мұғалімнің  сөзі: біз қазір өткен сабақты қайталап.  «Отбасы макетін» құраймыз. Слайд бойынша түсіндіремін.

-  Отбасы мүшелеріне кімдер жатады атайықшы? (оқушылардың жауабы ата-әже, әке-шеше, бала)

-       Қазақ халқының баспанасы киіз үйді алайық. Керегесі- ол біздің ата-әжеміз, керегеге байланатын уықтар –әке-шешеміз,  шаңырақ- ол сендер баласыңдар.

3. Сабақтың мақсаты:

-       3.1. Мұғалімнің сөзі:   - Балалар,   бүгінгі сабақта отбасы  тақырыбы жалғастырамыз   «Отбасы»  тақырыбына сурет бойынша сөйлемдер құраймыз,  әңгіме оқимыз,. шағын  көрініс көрсетеміз.

4. Жаңа сабақ.

4.1.  Сюжетті сурет бойынша жұмыс жүргізу.

Мұғалімнің сөзі: Сурет бойынша сұрақтар қоямын.

-  Суретте не бейнеленген?

 - Отбасы.

- Қандай отбасы? (Үлкен отбасы)

-  Отбасында неше адам бар?

 4.2. Жазба жұмысы. Оқушылар тақтаға бірнеше сөйлем құрап жазады.

  5. Сөздік жұмысы. 

-  Мұғалімнің сөзі:  -Мәтінде кездесетін жаңа сөздермен танысайық.

5.1.  Мұғалім сөздерді бірінші өзі оқиды, одан кейін оқушыларға  хормен, жекелеме оқытады.

қартайыпты - постарел

қартайған адам → старый человек

немере - внук, внучка

ағаш аяқ –деревянная  посуда

 келін – сноха,  невеста

Сергіту сәті:

Киіз үй болып тұрайық,

Кереге болып киіліп,

Уық болып иіліп,

Шаңырақты құрайық .

6. Мәтінмен жұмыс.

6.1. Мұғалім мәтінді  өзі оқиды.

-       Оқушылар тыңдайды, кімдер туралы айтылғанын, не түсінгендерін сұраймын.

Мәтінді таратып берем.

6.2. Оқушылар мәтінді тізбектей оқиды. Әке мен баланың сөзін ролге бөліп, екі оқушыға оқытамын.

6.3. Мәтінді аудару.                         Атасы мен немересі.

       Ата қартайып, күші кеміді.  Көзі нашар көріп, тамағын төгіп ішетін болды. Атаның  бұл ісі баласы мен келініне ұнамады. Олар атаға тамақты, жаман ыдысқа құйып бөлек беретін болды. Немересі атасын ойлап қиналды. Бір күні ағаш жонып отырады.  Әкесі көріп: «Шырағым не істеп отырсың?» -деді.  Сонда баласы: «Ағаш аяқ жасап отырмын. Екеуің атам құсап қартайған кезде, тамақты осы ыдысқа құйып берем»- деді. Бұл сөзді естіген атаның баласы, әкесінен кешірім сұрап, дастархан басына шақырыпты. 

                                                              Дедушка и внук

 ( Дедушка постарел и ослаб. (стал слабым). Стал плохо видеть и начал проливать еду. Это стало не нравиться его сыну и снохе. Они стали кормить дедушки отдельно и с деревянной посуды. А внук начал переживать. Однажды внук стал точить и делать из дерева посуду. Его  отец видел и спосил его: «Что ты делаешь?» Тогда внук ответил: Когда вы с матерью состаритесь как дедушка, я вас буду кормить с этой деревянной посуды. Отцу стало стыдно от этих слов и он пригласил отца за стол и попросил извинение.)

6.4. Ал, балалар, мәтін бойынша шағын көрініс көрейік.

Автордың сөзі:    Атаның баласы,  келіні, немересі болады.   Ата қартайып,  көзі көрмейді, тамағын төгіп ішеді.

Баласы:   Енді, тамақты бөлек ішесің.

Келіні:   - Иә, бөлек ішесің.

Әкесі:    «Шырағым, не істеп отырсың?»

Немересі:   «Ағаш аяқ жасап отырмын.  Екеуің атам құсап, қартайған кезде, тамақты осы ыдысқа құйып берем».

  Баласы:   - «Әке кешіріңіз, дастархан басына жүріңіз»

7. Сабақты бекіту: Отбасында кімдер болды?   – Ата, баласы, келіні, немересі.

-       Баласы не істеді?   -Әкесіне бөлек тамақ   берді.

-       Кім атасын ойлады?- Немересі ойлады.   

-       Балалар, үлкен ата-әжемізді ренжітуге бола ма?

-       – Болмайды. Біз  оларды  құрметтеп, сыйлауымыз керек.

8. Үйге тапсырма. Думан, Мадина, Тілеубек, Ермек мәтінді мазмұндау.

 Қалған оқушы мәтінді оқиды. Сөздерді  жаттау.

9. Сабақты қорытындылау:  Не туралы айттық?    Не үйрендік?

Мұғалімнің сөзі: Балалар мынау, тамыры мықты, жайқалып өскен ағаш. Бұл ағашты біз отбасы ағашы деп аламыз. Жапырақ стикерлерге    өз отбасыларына деген тілектерін жазып ағашқа жапсырасыңдар.

10. Бағалау. Оқушылардың жинаған   фишкалар бойынша санатып, бағалаймын.