Утреник "Армысың әз наурыз"

               Армысың,  әз  Наурыз

Мақсаты: Балаларға Ұлыстың ұлы күні Наурыз мерекесін тойлау туралы халқымыздың салт-дәстүрін, әдет- ғұрпын үйрете отырып, «Наурыз» қазақтың ұлттық мейрамы екенін ашып көрсету, балаларға патриоттық тәрбие беру.

Жүргізуші: Армысыздар, қадірменді халайық! «Еркетай» балабақшасының ұжымы, ата-аналар, сүйікті кішкентай бүлдіршіндер. Ақ көңілмен, адал  жүрекпен дос құшақтарды айқастырып, табысатын қасиетті күн – Наурыз мерекесі құтты болсын!  Наурыз баршамызға  жаңа бақыт , жаңа табыс, денсаулық әкелсін!

Жарқырап тұр күніміз,

Жайқалсын жас гүліміз,

Бақта бұлбұл сайрасын

Мерейін төксін көкте күн,

Мерекесін көктемнің

Бүкіл әлем тойласын.

Жүргізуші:

Құлақтан кіріп бойды алар ,

Әсем әнмен тәтті күй.

Көңілге түрлі ой салар,

Әнді сүйсең менше сүй-деп Абай атамыз айтқандай

Келесі кезекті әнге береміз. «Наурыз,келді»

Жүргізуші: Кезекті тақпақтарға береміз.                         

Данияр:

 Наурыз келді құт болып,

 Мына бізге сүт болып.

 Аққа аузымыз толады,

  Бар жақсылық болады.

Т.Аяулым:

 Осыншама жақсылық,

 Алып келген наурызым,

 Төрлет бізге нұр беріп.

 Шуақ шашып ақ жүзің.

Нұржан:

 Көктем келді балақай,

 Жасарды жер алақай.

 Наурыз тойын тойлайық,

  Әсем әнге салайық.

Нуршашқан:

 Көлде кққу,көкте қаз,

 Орманда бұлбұл сайраған.

 Көптен күткен көктем кеп

 Құлпырды дала жайнпған.

Нұрдаулет:

Келе жатыр жылымыз

 Мейрамдаймыз мұны біз

Халқы сүйген мейрамды

Қарсы алайық Наурызды.

Жүргізуші: Балаларымыздың дайындаған көрінісін  көрейік.

Көрініс «Ханзада мен Ханшайым»

Нұржан:

 Наурызым тойлы нұрлы күн,

 Мерейің асып тұр бүгін.

 Жерімнің жүзін жылыттың,

 Елімнің сақта бірлігін.

Өркен:

Наурызым тойлы нұрлы күн,

Мерейің асып тұр бүгін.

Жерімнің жүзін жылыттың

Елімнің сақта бірлігін.

Мади:

Әнім де маған биім де ,

Құт қонақ өзім үйімде.

Қуаныш сыйлар еліме.

Күлімде, Наурыз күлімде.

А. Аяулым:

Қыстың қалың киімін,

Шешіп өзіміз тастаймыз.

Наурыз болып еліме,

Жаңа жылын бастаймыз.

Ержан:

Домбырадай мұраны,

Қастерлеуге тұрады.

Сонда жатыр даланың,

Үні менен бар әні.

Жүргізуші:

Қыздарым сұлу өнері асқан,

Билейді мың бұралып, сәби жастан.

Қайда біздің өнерпаз қққыздарымыз,

Ортаға шығыңдаршы тартынбастан.

Би: «Қыздар »

Наурыз мерекесіне арналған тақпақтарына береміз

Гүлнур:

Наурыз тойы әдейі,

Әжем еске түсірді.

Бізге арнап әдейі,

Наурыз көже пісірді.

Бекарыс:

Наурыз келді алақай,

Біз билейміз балақай.

Көже ішіп шаттанып,

Теңеледі күн мен ай.

Диана:

Жылдың басы Наурыз,

Жердің басы Наурыз.

Мерекеге арналсын.

Бүгінгі жыр әніміз.

Нұрлыбек:

Біз көңілді көктембіз,

Былтыр келіп кеткенбіз.

Көзін ашып бұлақтың,

Түбіне тал еккенбіз.

Жүргізуші: Халқымыздың ұлттық ойыны- «Ханталапай» ойнын ойнату.

Ән: «Қош, келдің төрлет Наурызым!»

Жүргізуші:

«Жаңбырменен жер көгерер,бата менен ел көгерер»-  дегендей бата алайық.

Нұрахмет

Ардақтадың атаңды,

Мен берейін батаңды.

Сыйлап ата-ананы,

Азамат бол саналы.

Уа, құдайым оңдасын,

Жаманшылық болмасын.

Наурыз тойы құтты болсын!

Ақ мол болсын!

Халық тоқ болсын!

Уайым қайғы жоқ болсын!

Жүргізуші: Наурыз тойы құтты болсын! Келесі Наурыз тойына аман-есен жетейік –дей келе «Әз, Наурыз» атты ертенгілігімізді аяқтаймыз. Сау сәлемат болыңыздар.