2017 жылға арналған сценарий

БЕКІТЕМІН                                                       КЕЛІСЕМІН

Мектеп директоры:                                         Директордың тәрбие ісі жөніндегі _________   К.Г.Зауланбайқызы                   орынбасары: ________ А. Сейсеке

 

Сынып жетекшілері: М. Шілдебай

Н. Буралқиева

Сыныбы: 1 «А», 1 «Ә».                     

Тақырыбы: «Төрле, төрле жаңа жыл!»

Мақсаты: Балалардың жаңа жыл мерекесі туралы түсініктерін қалыптастыру.Мерекелік көңіл-күй ортасын ұйымдастыру. Образдық бейнелерді сомдай білуге үйрету, хормен және жеке ән айту шеберліктерін арттыру. Би қимылдарын қызығушылықпен ырғақты сақтай орындауға төселдіру.

Жүргізуші: (ашылу салтанаты)

Бүгін сізге жырдан алқа тағайын,
Шат күлкіге толы болсын маңайың.
Көргендер де көрмегенде арманда.
Жаңа жылың құтты болсын ағайын!

-         Құрметті балалар, ата – аналар, ұстаздар, қонақтар. Жаңа жыл мерекесіне арналған «Төрле, төрле Жаңа жыл!» атты кешімізді бастауға рұқсат етіңіздер!

Кел,балақай,шырша дайын 
Қол ұстасып ән салайық 
Жаңа жылдың жарқын айын 
Ән мен бимен қарсы алайық! – деп, ортаға 1 «а» және 1 «ә»  сынып оқушыларын қошеметпен қарсы алайық! (ортаға оқушылар келеді). Балалар, келер жылға арналған тілектерің бар ма?

1-бала: Жаңа жыл бақыт әкелсін!

2-бала: Жаңа жыл барлығымызға тек жақсылық әкелсін!

3-бала: Жаңа жылда жаңа өмір басталсын!- ой, жарайсыңдар, балалар!

Нұрландырып маңайды,

Шыршамыз жарқырасын!

Жаңа жылдың құрметіне

Ақ тілектер ағылсын!-деп «Бірлік орта мектебінің» директоры Кембебаева Гүлнар Зауланбайқызына сөз береміз!

-         Балалар, білесіңдер ме, бүгінгі кешімізге сонау Алматыдағы цирктен  бізге сайқымазақ қонаққа келіпті! Оны көргілерің келе ме?! Ендеше ортаға сайқымазақты шақырайық! 1-2-3, Сай-қы-ма-зақ! Музыка орындалады.

Сайқымазақ: Ортаға  атып шығып:

Сәлеметсіңдер ме менің достарым!-  Балалар, сендер мені танисыңдар ғой?

-Иә.

- Кіммін?

- Сайқымазақ!

  Сендер мені танып қойғандарыңа қуаныштымын! Барлығың сондай әдемі болып кетіпсіңдер ғой! Бүгін бізде көңілді күн! Себебі, жаңа жылды қарсы аламыз! Ендеше не тұрыс! Мұнда сендермен бірге аналарың да келіпті! Мен сендердің көңіл-күйлеріңді көтеру үшін сонау жақ=тан келдім!Кешіміздің сәнін берер шыршамыздың шамын бірге жағайық онда!

-Иә!

Шырша шамын жағайық,
Жаңа жыл тойын ашайық.

Барлығымыз бірге

Кәне шырша таңырқат

Шамдарыңды жарқырат!-деп айтайық. (2-3 рет айту)

Ортада: сайқымазақтың фокустары.

-         Балалар, біздің биылғы жылымыз қай жыл? Ендеше маймылымыз ортаға шақырайық! Орманда ағаштан-ағашқа секіріп жүрген шығар! (ортаға салтанатты түрде  маймылды шақыру). Маймылға сөз беру.

Ән: «Шырша жыры»

Сайқымазақ: Достар, білесіңдер ме, мен жаңа жолда келе жатқанда Аяз ата мен Ақшақарды көрдім! Бірақ олар көрші ауылда қалып қалды.Ал біздің кешіміз Аяз атасыз қалай өтеді! Аяз атаның келгенің қалайсыңдар ма?! Ендеше Аяз ата, Ақшақар деп қаттырақ айғайлап көрейікші! Мүмкін біздің дауысымызды естіп көрші ауылдан ұшып келер ааа?! Қане, бәріміз АЯЗ ата Ақшақар! (3-4 рет)

Қардың дыбысы естіледі.

Балалар: Аяз ата, Ақшақар!

Әуен ойналады. Залға Аяз ата мен Ақшақар кіреді. Балалар қошеметтеп қарсы алады. Музыка орындалады.

Аяз ата:

Аяулы аналарға, ардақты ұл-қыздарға
Бүлдіршін балаларға бip сәлем!
Қандай жарқын жүздерін,
Қандай әсем жырларың
Асулармен алысқан,
Асау желмен жарысқан
Аталарың сендерге
Келіп жетті алыстан

Ақша қар:

Аяз ата қарашы, балалардың киімi қандай әдемі. Шырша да әсем безендірілген екен. Бәрі де сұлуланып кетіпті.

Сайқымазақ: Аяз ата, Ақшақар!Ақ күрішімен бүкіл елге танымал болған «Бірлік» деп аталатын қасиетті мекенімізге қош келдіңіздер!

Аяз ата: Бәрекелді балалар! Мен сонау жерден ел аралап келе жатырмын! Көптеген өнерлі балаларды көрдім! Енді, осы мекеннің балаларының өнерін көріп бір шалқысам деймін! Маған дайындаған өнерлерің бар ма?

Сайқымазақ! Әрине, менің достарым, өте өнерлі, қане, достар, көрсетейік өнерімізді, Аяз атаға!

Ортада: би «Сантаклаустар».

Оқушылар өздерінің жаттаған тақпақтарын айтып Аяз атадан сыйлықтарын алады.

Ортада: би « Қар көбелектері».

Сайқымазақ:

Қуанатын шақ болсын,

Достарымыз ақ болсын.

Бізге келген жаңа жыл,

Құт береке бақ болсын!- деп арамызға келер жыл Тауық жылды шақырайық , балалар!

Ортаға «шип, шип шөжелерім!»  биімен тауық шығады.

 Армысың, аманбысың Жаңа жылым.

Жаңа жылым! О, менің Жаңа жырым!

Жылқы жылы келгенде, сый ғып тартып,

Ақтарайық ән менен көңіл сырын.

-         Балалар, білесіңдер ме, ескі жылымыздың біздің арамыздан кететін уақыты болып қалды. Қане, Аяз ата, Ақашақар мен маймыл, тауығымызбен бірге шыршаны айналып әсем әуен ырғағымен айналсақ қайтедә?!

Маймыл жылы:

Жасампаз заман бұл заман,

Бүгіннен ертең ғаламат.

Алдыңғы сапта боларсың,

Келер жыл саған аманат, (тауық жылымен қол алысады) - Аяз ата, Ақшақар, балалар мен енді барайын. 12- жылдан кейін қайта кездесерміз.Мен өздеріңді қимай тұрмын! Хош сау болыңдар, балалар!

Жүргізуші:

-         Балалар, ескі жылымызды шығарып салдық! Енді мен сендермен бір жақсы ойын ойнағым келіп тұр!

Ойын: «Шар жару – Аяз атамен бірге ».

 Бізге ертегілер әлемінен келген қонақтарымызды қарсы алайық! Аяз ата бәрекелді, жарайсың, ой тамаша екен,қандай керемет киім сияқты марапаттау сөздерін айтып тұруы керек.

Аяз Ата:

-Қазіргі мына жаңа заманда енді әрине бәріміз фотоға түспейміз бе.Кәне менің жаныма жиналып естелікке суретке түсейік ия қызым. – деп немересіне бұрылады.

Ақша қар:

-Ия ата бұл балалармен суретке түсіп қалайық. Келер жылға естелік болсын!

Аяз ата, Ақшақар, ата-аналар мен балалар бірігіп бір әсем әуенге би билейік.

Аяз ата: Балалар, өнерлерің тамаша екен, бәрің бір-бір талант иесі екенсіңдер. Өнерлерің әрі қарай шыңдала берсін. Менің әлі баратын жерім көп, басқа да ауылдар мен қалаларда сендер сияқты балалар тосып отыр. Ақшақар екеуіміз қайтайық. Келесі жаңа жылда жолыққанша сау болыңдар!

Ақшақар: Сау болыңдар, балалар! Сабақтарыңды тек 4-5-ке оқыңдар!

1 жүргізуші: Балалар Аяз ата мен Ақшақарды бәріміз хормен шығарып салайық!

Балалар: Сау бол Аяз ата, Сау бол Ақшақар!

(Аяз ата мен Ақшақар шығып, кетеді.

Жүргізуші: Ән тындап, би биледік бүгін тойда,
Қалады бүгінгі күн ойымызда.
Демалып тауық жылына қадам бастық,
Жаңа жыл құтты болсын баршамызға!- деп , осымен  «Төрле, төрле жаңа жыл!» атты жаңа жылға арналған кешіміз өз мәресіне жетті.Құрметті ата-аналар, ұстаздар кешімізге келіп көрермен болып қатысқандарыңызға көп-көп рахмет!