Әдебиеттік оқу Ж.Жабаев 3-сынып

                        Ашық сабақ

                       Әдебиеттік оқу 3 сынып

Сабақтың тақырыбы;Ж.Жабаев   Менің өмірім

                                        2013-2014 жыл

Сабақтың тақырыбы;Ж.Жабаев   Менің өмірім

Сабақтың  мақсаты;

Білімділік;бала Жамбылдың өнер адамы болып қалыптасуындағы өскен ортасының,ұлттық салт-дәстүрдің әсерін түсінуге жағдай туғызу.Ауыз әдебиетінің мәнін түсіндіру.Сөз өнерінің құдіретін меңгерту.

Дамытушылық;оқушының қиялдап жұмыс жасай білуге баулу.Логикалық ойлау қабілетін дамыту.Танымдық қызығушылықты кеңейту.

Тәрбиелік;ақынның өмірлік мақсаты мен арманына жетуднгі талпынысы мен табандылығын үлгі ету.Дана,дара тұлғаны қалыптастыру.

Әдіс –тәсілдері;баяндау,сұрақ-жауап,топтастыру стратегиясы.

Көрнекілік;Жамбыл ақын жәнеСүйінбай портреті,интерактивті тақта,ҚРкартасы.

Сабақтың барысы;

1.Ұйымдастыру кезеңі.

Психологиялық дайындық жүргізу.

2.Үй тапсырмасын тексеру,сұрау.

«Бала Тұрар»мәтінін оқушылардан сұрау.

1.Иван Владимирович Тұрардың дәптерінен нені байқады?

2.Тұрар жазған сөздерін қалай түсіндірді?

 3.Ал тақта алдында тұрған Тұтардың портретін жазушы қалай суреттеген?

4.Иван Владимирович Ломоносов туралы қандай әңгіме айтты?

5.Бала Тұрардың бойындағы қасиеттерді ата.

Қызығушылығын ояту.ББ кестесін толтыру.

Жамбыл Жабаев жайлы не білемін деп ойлайсыңдар?

Жеке-----------Жұппен--------------Топта-------------спикер өз ойларын ортаға салады.

Білемін	Білдім
-Ақын -Жазушы -күйші -жыршы -айтыскер

Мағынаны тану.

Хатқалтаға жаңа мәтін абзац бойынша төртке бөлініп беріледі.Оқушылар мәтінді оқып,мазмұны жүйелі болатындай етіп,әңгімені ретімен қойып орналастырып шығады.Топтағы жұмыс тез,өнімді,сапалы болу үшін балалар бір-біріне көмектеседі,ақылдасады.

Мәтін  бөліктері;

Шу өзенінің бойымен жүре берсеңіз,Хан және Жамбыл деген екі тауға кез боласыз.Менің әкем Жапа бір кезде осы тауларда көшіп-қонып жүрген.

Жамбыл тауының етегінде қақаған қатты боранды күні мен туыппын.Маған сол көне Жамбыл тауының есімі ат болып қойлыпты.

Бұл 1846 жылдың ақпан айы екен.

Менің әкем Жапа шоқпыт шапанды көшпелі кедей болған.

Тұрған жеріміз құлазыған кең,жазық дала еді.Сондықтан да мен балалық шағымда егісті де,бақты да,арықты да көрмедім.Жазық кең дала менің Отаным болды.

Мен киіз үйде өстім.Сол кездегі барлық қазақ балаларындай мені де көшкенде бесігіммен алып жүрді...

Менің ағам – әкемнің інісі белгілі домбырашы.Мен домбыра тыңдауға әуес едім.Он екі жасымда одан домбыраны үйрендім.Домбыра қолыма тигенде,бүкіл жан – жүйем елжірегендей болатын еді.

Менің қой баққым келмеді.Домбыра тартып,ән салу мені қатты қызықтырды. Табиғат маған күшті де жуан дауыс берді.Мен далада ән шырқағанда даусым бүкіл даланы күңіреткендей сезінетінмін.

Он төрт жасымда әкемнен қолүзіп,өзімше күн көруге мықтап бел байладым. Үй – үйді аралап,жарапазан айтатын болдым.Менің өлеңім жұртқа ұнап,маған сый-сияпат көрсете бастады.

Он беске толғанда мен атақты ақын Сүйінбай тұратын ауылға келдім. Домбырамды ұстап,оның үйіне таяп келдім де,әндете бастадым.Өлеңіме риза болған Сүйінбай мені үйіне шақырып алып:

-         Сенің ақындық дарының бар екен,даусың да жақсы,ұнайсың,жігітім, - деді.------------------------------------------------------------------------------------

Қарт ақынның тілегі бойынша мен көптеген әндерді құйқылжыта айтып бердім.Оның біреуін сол үйде отырып шығардым.Сүйінбайдың ақындық шеберлігіне бас иіп,оны аспан әлеміне,нұрға бөлеп,таң шапағына,жарық жұлдызға теңеп,өзімді ақынның інісімін деп атап,көмегін,қолдауын сұрадым.Ол уәде берді.

Бұл менің өмірімдегі ең бақытты минуттардың бірі еді.

Бұл жұмыста оқушы не істейді?

1                   )Мәтін мазмұнын түсінеді.Егер түсінбесе,оны жүйелі орналастыра алмас еді.

2                   )Ақылдасып,жанындағыларды тыңдады,пікірлесті,дауласты,күдігін айтты.

3)Барлық бала өз бетінше жұмыс жасады.

Мәтіннің қалай құрастырылғаны жайында сұрақтар.Мысалы;

-Қолдарыңдағы мәтін бөліктерін реттеу кезінде,неге бөліктерді осылай орналастырдың?

-Осылай қоюға қай сөз немесе мәтіндегі белгі көмектесті?

Енді балалар осы өз жұмыстарыңды мына бейне фильм арқылы тексеріп

Көрелік.       «Бейне фильм» 3 минуттық.

-Қай топта дұрыс болмаса,жаңағы тыңдаған мәтін бойынша өз жұмыстарыңды түзетіңдер.

Әр топқа тапсырмалар беріледі.

1- топ.Картадан Жамбыл атаның туған жерін тауып көрсетіңдер.

2-топ.Хронологиялық кесте құру.

3-топ.Жас кезіндегі Жамбыл Жабаевқа мінездеме бер.

4-топ.Ақынның домбырасын бейнелеу.

5- топ.Ақынның  бір өлеңін мәнерлеп оқып беру.

Сергіту сәті.

Биші бұралып,билейді,

КҮйші домбыра тартады.

Спортшы жүгіріп, секіреді,

Оқушы отырып ,сабақ оқиды.

Сөздік пен жұмыс.

Мәтінді оқыған кезде таныс емес,жаңа сөздерді түртіп алу арқылы сөздік жұмыс жүргізу.Интерактивті тақтадан көрсетіп мағынасын түсіндіру.Дәптерлеріне жазғызу.

Шоқпыт-ескі,кедейдің киімі.

Жарампазан-ораза  айында үй аралап жүріп айтатын өлең.

Әуес-бір нәрсеге үйір,құмар,құштар.

Құлазыған-көңіл күйдің бұзылуы.

Күңіреткендей-жар салу,жаңғырту.

Құйқылжыта-ерекше тамылжыта ән салу.

Елжірегендей-сүйсіну.

Көшпенді-жаз-жайлауда,қыс-қыстауда көшіп жүру.

Ойтолғау.

Сұрақтар қою арқылы мәтіннің мазмұнын ашу,талдау.

Кубизм стратегиясын пайдалану. Кубтың қырларындағы тапсырмаларды орындаймыз.

1.Жамбыл Жабаев қай жерде,қай жылы дүниеге келген?/суретте/

2.Не себепті оған Жамбыл деген есім берілген?/салыстыр/

3.Ақынның өз әкесін көшпенді кедей болған дегенін қалай түсінесін?/ойыңызбен байланыстыр/

4.Жамбыл өз туған жерін қалай сипаттайды?/зертте/

5.Жамбыл Жабаев әкесінен қай кезден бастап айырылды?Одан кейін ол қалай өмір сүрді?/қолдаңыз/

6.Кімнен бата алады?/талқылаңыз/

-Енді ақын атамыз артына не қалдырды?Ол кісінің есімімен нелер аталған екен мына экрандағы бейнеге қарап білейік.

Бағалау.Топ башыларына сөз беріледі.Әр қайсысы өз топ мүшелерін бағалап шығады. Жеке әр оқушыны бағалау

Не бағаланады?	5	4	3	2
Тақырыпты түсіндіре білуі.
Мәнді,орынды сұрақтар қоюы
Мысалдардың сәйкестігі
Топтастарына көмек көрсетуі
Жобаны қорғауы.

Үйге тапсырма;5 жолды өлең құрастыру.

/Жамбыл  /Ақын,жыршы/Үйренді,еңбектенді,жырлады./

 / Жыр алыбы-Жамбыл./

/Ақын./