№ 16 орта мектебі
Өскемен, 2009 ж
Мақсаты: салауатты
өмір салтын насихаттау.
Тапсырма: а)
оқушылардың денсаулық жөнінде, өзінің денсаулығын сақтау және нығайту жөніндегі
білімдерін нығайту;
б) балаларда денсаулықтың құндылығы мен
маңызды екендігі жөнінде түсініктерін қалыптастыру;
в) баланың өз денсаулығын сақтау мен нығайтуға
деген сезімін дамыту.
Дайындық жұмысы:
- Әдебиетпен жұмыс, сценарлық жоспарын құру.
- Сценарий жазу.
- Көрнекілікті дайындау.
- Іс-шараны өткізу.
- Іс-шараны өзіндік талдау.
Барысы:
«Ақырын жүріп, анық бас» : поэтикалық қойылым.
Жүргізуші:
Кім мұндайды естіпті,
Есірткі жұртты есіртті.
Иіскеген жастардың
Жан-тәнін түгел кесіпті.
Сақ болайқ, ағайын,
Қатерлі жау-есірткі!
Сахнаға басы төмен салбыраған, мұңлы жас жігіт
шығады.
Жүргізуші:
Ей, жас жігіт,
Жан едің сен гүл жүзді,
Солып қапсың, тынышыңды кім бұзды?
Жігіт: Өмір қатал,
Көңіліңе қарай ма?
Душар болдым қайғыға,
Енді арылу оңай ма?
Жүргізуші:
Не деп кеттің,
Қандай қайғы айтқаның?
Қане отыр да,
Түсіндіріп айт бәрін.
Жігіт:
Ізгілікті зұлымдыққа талаттым,
Денсаулықтың барлық алтын-асылын,
Пенделіктің орманында тонаттым,
Жастайымнан құлы болдым, қайтейін,
Наша менен арақтың.
Көрдей қара тұман жапқан көңілін,
Наша үшін қиған жастай өмірін.
Ең сорлы жан мен боламын,
Ең соңғы жан болайын мен тәңірім.
Жүргізуші:
Жоқ, сабыр ет,
Әттең өзің жанбай жатып
Жақын тұрсын сөнуге.
Пенднлікті шалғайға айтып,
Тағдырыңмен қол ұстасып көруге
Жетер ме екен батылың?
Сені терең ойға тартар
Бір әңгіме шертейін.
Тыңда қане жарқыным!
Жігіт:
Тыңдап тұрмын, айтыңыз.
Жүргізуші:
Сонау ерте заманда
«Дерт» деген үлкен қамалға
Сырқат атты азулы хан басшы болыпты.
Қатерлі жау адамға
Кәрілік те, енжарлық та,
Темекі мен арақта
Қатерлі де қатыгез хан Сырқаттың
Айбарынан сескеніпті бірақ та.
Дүниені жаулап алу арманы-
Хан Сырқаттың қолы жетпей қалғаны.
Армандау да айып па екен?
Бір күні халқын жинады,
Сөз бастады байыппен.
Сахнаға жүзі суық, қаһарлы Сырқат хан
шығады.
Сырқат хан:
Уа, халайық!
Өз елімнің абыройын,
Қорғанысын, ақыл-ойын
Қайтсем «биік көтерем» деп ойладым.
Бір болсада бірегейлі,
Хандығыма түбегейлі
Жаңа өзгеріс кіргізуге белді мықтап байладым.
Көп толғанып, ойға келдім мынадай:
Хандығымның төрт тағандап
Тұруы үшін құламай,
Бар әлемді жаулау керек.
Кенде емеспіз күштен де,
Тағдыр біздің даңқымызды
Әлде келте пішкен бе?
Енжарлық:(әрең
сөйлеп) Алдияр хан!
Қоя тұрғын әлем жаулап алуды,
Саулық ханның әскері бар қарулы.
Адамдар да аяусыз күреспенен
Жойып салар жаныңды.
Секіріп күліп Арақ шығады.
Арақ: Тоқта,
тоқта!
Мені көрсе ішіп алар адамдар, шыдамай,
Ішу үшін бұл өмірде сылтаулар көп мынадай:
Табысы мен атақ-даңқы, қолы жеткен мансабы,
Себепсіз құр ішу мақсат ауып кетсе аңсары.
Осы арқылы мен алдымен адамдарды жаулаймын,
Ақырындап уақытөте әлемді де жаулаймын.
Әдемі киінген Темекі жан-жағына жымия
қарап, күліп кіріп келеді.
Темекі: Уа,
тақсырым,
Мен барлық адам өмірін
Көк түтінге улатып,
Тәнін жаулап аламын.
Хан: (ызыланып)
Тағы кім бар?
Жарқылдап, жалтылдап сахнаға Наша шығады.
Наша: Мына мен бар!
Уа, Халайық, қараңдар,
Көз көрмейтін сиқырым бар,
Еліктірер адамды.
Осы өнермен әп-сәтте-ақ
Жаулап алам ғаламды!
Сырқат хан:
Өзің маған ұнап қалдың,
Пері екенсің талапты.
Таңғы азанмен жолға шыққын,
Қосып берем Темекі мен Арақты.
Ал туғандар,
Енді үкім тыңдаңдар!
Серік қосып жіберейік Нышаны,
Денесіне еніп алса адамның,
Саулық өзі-ақ қашады.
Оставьте свой комментарий
Авторизуйтесь, чтобы задавать вопросы.