ТӘРБИЕ САҒАТЫНЫҢ ЖОСПАРЫ
Сыныбы: 6а Күні:10.12.14ж
Тәрбие
сағатының тақырыбы:
Тәуелсіздік - мақтанышым
Мақсаты:
Оқушыларға тәуелсіздік ұғымын түсіндіру, ел
тәуелсіздігінің сақталуына үлес қосу. Желтоқсан құрбандарымен таныстыру,
олардың Отан үшін құрбан болғандарын айтып өту. Отанын, елін, жерін қастерлеп,
құрметтеуге тәрбиелеу.
Әдісі:
ертеңгілік, пікірталас, ой толғаныс, топпен жұмыс
Көрнекілігі: суреттер, тірек
сызба, мақалдар, слайд
Барысы:
ҚР Гимні орындалады.
Кіріспе сөз.
Құрметті оқушылар! Бүгін біз
еліміздің сан мың жылдар бойы армандаған, сол жолда ғасырлар бойы найзаның
ұшымен, ерлеріміздің ерен ісімен, кешегі дүниені дүр сілкіндірген Желтоқсан
оқиғасымен келген, тарихымызда алтын әріптермен жазылып қалатын Тәуелсіздік күні
мерекесіне арналған «Тәуелсіздігім - мақтанышым» атты ертеңгілікке қош
келдіңіздер.
Мұғалім: Балалар, біздің еліміз
тәуелсіздікке оңайлықпен қол жеткізген жоқ. Тәуелсіздік ата - бабаларымыздың
талай жылдардан бері аңсап келе жатқан армандарымен, ата - әжелеріміздің көз
жасымен, аға - апаларымыздың қанымен келген. Өз тілін, мәдениетін, елінің
болашағын дамытамын деген қазақ халқы тәуелсіздіктің туын алғаш көтеріп, 1986
жылы 16 желтоқсан күні алаңға бейбіт шеруге шыққан еді. Оның себебі 26 жыл бойы
республиканы үздіксіз басқарып келе жатқан Д. А. Қонаев орнынан түсіріліп, оның
орнына Колбин ешкімнің пікірінсіз ұсынылған еді. Шешімге қарсы болған студент
және жұмысшы жастар ұрандатып алаңға шығады. Бұл қарсылыққа шыдамаған үкімет
басшылары жастарға қақаған аязды боранда мұздай су шашып, иттермен қуып,
қыздардың шашына сүйреп, ер - азаматтарымыздың басынан күрекпен ұрып күш
көрсетеді. Сол атышулы 1986 жылғы желтоқсан құрбандары деп кімді айтуға болады?
Қайрат Рысқұлбеков, Лаззат Асанова,
Сабира Мұхамеджанова, Ербол Спатаев.
(слайдтар арқылы таныстыру)
Балалар, осы Желтоқсан оқиғасынан
кейін біздің еліміз 1991 жылы 16 желтоқсанда өз тәуелсіздігіне қол жеткізді.
Аружан: Тәуелсіздік –
Тәубелі елдің қыраны,
Қиялы елдің қыраны,
Жат рухқа жалтақтатпас пендесін
Жанарлардың шырағы
Тәуелсіздік –
Пейіл сыйы қазақтың
Арамыздан арылғаны азаптың
Батыры көп, ақыны көп халыққа
Алла жар боп туа қалған ғажап күн.
Тәуелсіздік –
Көрдік сені, тіріміз
Көре алмады көсеміміз, іріміз.
Ұлтшылы аз, ұлтсыздықпен күресте
Қазақ болған әзірге құр түріміз
Тәуелсіздік –
Сен келгелі қазақпыз
Қазақтығын қазақша айта алатын
Ұлттың жоғын жоқтаймын деп «жоқ»
болған
Ұлыларын «тұтқыннан» қайтаратын
Тәуелсіздік –
Айналайын құныңнан
Түсе көрме тұғырдан
Отаныма мәңгілігің үшінде
Садағаң болсын шыбын жан
Айбек : 1991 жылы желтоқсанның 1 -
де Республика жұртшылығы тұңғыш рет Н. Ә. Назарбаевты Қазақстан Республикасының
Президенті етіп сайлады.
Дархан: шықты тарап ой - данадан
Бері қарады жұлдыз беті.
Өзі қарап сайлап алған,
Елімнің бар президенті.
Бір көрген жан сағынып,
Ақорда, алтын тағы бар,
Нұрсұлтандай ұлы бар,
Қазағымның бағы бар!
Мадина: Әр елдің өз азаматтарына арналған Ата Заңы –
Конституциясы болады. Біздің де Ата Заңымыз бар. 1995 жылы 30 тамызда Ата
Заңымыз – Конституция қабылданды. 1991 жылы 4 маусымда Елбасы «Қазақстан
Республикасының Мемлекеттік Туы, Елтаңбасы, Әнұраны» туралы Заңға қол қойды.
1991 жылы қазан айында тұңғыш рет
қазақ ғарышкері Тоқтар Әубәкіров ғарышқа ұшты. 1997 жылы 11 шілдеде Қазақстан Республикасының
Тіл туралы Заңы қабылданды. Бүгінде қазақ тіліміз – мемлекеттік тіл болып, өсіп
- өркендеп, қанат жаюда
Бүгінде тәуелсіздіктің рахатын көріп
отырғандар біздер, қай салада болмасын озық келеміз. Біздің елімізді бүгінде
қаншама мемлекет таниды. Осы тұрғыда еліміздің танытуда спорт шеберлерінің
еңбегі өлшеусіз. Алпауыт елдерге спорт түрлерімен шығып, кеуделерінде алтыннан,
күмістен, қоладан алқа тағып, көк байрағымызды өзге мемлекетте биікке көтеріп,
әнұранымызды асқақтатып келді. Қандай спорт жұлдыздарын танисыңдар?
(спорт жұлдыздарын слайдтар арқылы
көрсету)
Сондай спорт майталманы,
Қазақстанның үш дүркін чемпионы, жерлесіміз – Илья Илин.
Бүгінде тәуелсіздіктің туын тігіп,
еңсемізді тік көтеріп жатқан тұста Елбасымыздың еңбегін айтпай кету мүмкін
емес. Н. Ә. Назарбаевтың тағы бір ерлікке пара - пар еңбегінің жемісі, сарабдал
саясатының бірі – астанасы Ақмола қаласында көшіруі еді. Астанамыз – Ақмола
қаласына 1997 жылы көшіріліп, 1998 жылдан бастап Астана атауымен қайта жаңғырып
келеді.
Арманға айналған Астана шаһарына,
оның әсем ғимараттарына көз жіберсек.
(Астана туралы слайдтар
көрсетіледі.)
Жүргізуші: Оқушылар, ата -
бабаларымыз аңсаған тәуелсіздікке қол жеткізген шақта, балалық шақтарың бақытты
болатынына мен кәміл сенімдімін. Мақтанышқа айналған тәуелсіздіктің қадірін
біліп өсіп, ел дамуына үлес қосқандарыңды қалаймын. Себебі осы елдің тілегі де,
тірегі де сендерсіңдер!
Қорытынды:
Құрметті оқушылар! Осымен
ертеңгілігімізді аяқтаймыз.
Қатысқан оқушылар бірге:
Бәріміздің жүрегіміз Отан деп соғып, Тәуелсіздік
туы халқымыздың еркіндігін паш етіп желбірей берсін!
ІҮ.
Үйге тапсырма: Сынып белсенділерінің есебіне дайындалу
Сынып
жетекші: Досполова Сауле А
Оставьте свой комментарий
Авторизуйтесь, чтобы задавать вопросы.