Күні:10.10.2017 | Сабақ: Дүниетану | Мектеп: Жалпы білім беретін №8 орта |
Сынып: 1 «В» | Мұғалім: Кешубаева Б | Әдіскер: Сүлейменова С |
Тәлімгер: Мағден Эльнара | Сабақтың тақырыбы: «Мектепке баратын жол» |
| Қатысқандар саны: | Қатыспағандар саны: |
Сабақтың мақсаты: | 1.1.4.4 жолда жүру тәртібін, жаяу жүргіншілердің қозғалысын реттейтін жол белігілерінің мәнін түсіндіру; |
Диалогқа жазылымға қажетті сөз тіркестер | Қауіпсіздік-безопасность-safety; Жаяу жүргінші- пешеход-pedestrain; Бағдаршам-светофор- traffic light. |
Пәндік лексика және терминдер: | Мектеп, бағдаршам, қауіпсіздік, т.б |
Құндылықтарды дамыту: |
|
Сабақ барысы
Сабақтың жоспарланған
кезеңдері
Сабақтағы жоспарланған
іс-әрекет
Ресурстар
Сабақтың басы
Жеке жұмыс.
Жұптық жұмыс.
Кері байланыс.
Сәлеметсіңдер ме, оқушылар. Бүгінгі дүниетану сабағынан мен - Мағден Эльнара беремін. Мен сендерге бүгінгі сабақтан алғаш беріп тұрғандықтан, есімдеріңді біле бермеймін. Сондықтан өздеріңді таныстырып өтсеңдер. Жақсы балалар. Ал енді алдыңғы сабақта қандай тақырып өттіңдер? («Менің мектебім» деген тақырыпты өттік, бұл сабақта біз мектеп жайлы, ұстаз жайлы білдік, мектепті алғаш ашқан Ы.Алтынсарин атамызбен таныстық, сонымен қатар мектепте мұғалімнен басқа маман иелері жұмыс жасайтынын білдік, мысалыға дәрігер, кітапханашы). Ал Ы.Алтынсарин аталарының сендерге арналған қандай өлеңі бар екен?(«Кел балалар оқылық»). Жарайсыңдар, балалар. Өткен сабақты толықтай түсініпсіңдер.
Жаңа сабақ. Бүгінгі біздің өтетін жаңа тақырыбымыз «Мектепке баратын жол» деп аталады. Балалар жалпы сендер мектепке қашан келесіңдер(таңертең), кіммен келесіңдер (анаммен, әкеммен, ағамен, атамен,әжемен), қалай келесіңдер (көлікпен, жаяу, қоғамдық көлікпен).
Менің бағытым
Ал, енді, балалар, сендер қай көшеде тұрасыңдар, мектепке қалай және қай жолмен келетіңдеріңді білесіңдер ме? Иә, кейбір балалар жаяу, ал кейбірі көлікпен немесе қоғамдық көлікпен келеді.
Балалар жаяу жүретін адамды жаяу жүргінші деп атайды.Ол жолда қауіпсіздік ережелерін сақтауы тиіс. Оның көмекшісі- бағдаршам. Бағдаршам деген не екенін білесіңдер ме? Тақтаға назар аударайық.
Балалар, маған кім айтып береді, бағдаршамда қандай түстер бейнеленген?(қызыл, сары, жасыл). Ол түстердің нені білдіретінін білесіңдер ме? Жарайсыңдар, балалар! Өте жақсы!
Оқулықпен жұмыс. Оқулықтың 20- бетін ашып қараңдар. Бұл бетте қандай сурет бейнеленген?
Бұл балақай жол ережесін дұрыс сақтап келеді ме? Мұқият қараңдар. Иә, балақай жолдан бағдаршамның қызыл түсіне өтіп бара жатыр. Оның бұл әрекеті дұрыс емес. Балалар естеріңде болсын, бағдаршамда қызыл түс жанса, жасыл түс жанғанша тоқтап тұрамыз. ( Оқулықтағы сұрақтарды оқытып, жауап бергізу).
Сергіту сәті: шаршағандарыңды басу үшін сергіту сәтін өткізіп алайық. Бейнебаянға назар аударып бірге шынығайық.
Оқулықтың 21-бетіне назар аударайық. Онда не берілген, олар қандай белгілер, нені білдіреді?
Белгілер жайлы мәлімет беру.
Балалар, жаяу жүргінші жолын неліктен «жолақ» деп атайды, «Жаяу жүргінші өтпесін неліктен жолақ етіп жасаған?». Жаяу жүргіншілер өтпесі жүргізушіге де, жаяу жүргіншіге де анық көрінуі үшін жолақ етіп жасалған.
Тірек сөз. Балалар, бүгінгі сабағымыздағы тірек сөздерді тақтаға қарап, 3 тілде оқиық:
қауіпсіздік - безопасность - safety;
жаяу жүргінші - пешеход - pedestrain;
бағдаршам – светофор - traffic light.
Жұмыс дәптермен жұмыс.
Жүмыс дәптердің 12- бетін ашып қарайық. Ал, балалар, жұмыс дәптерінде бізге үйден мектепке баратын жолыңды сызып көрсет дейді. Қане, сызып көрейік.
Сызбаларын талқылау.
Оқушылар бас бармақ тәсілі арқылы сабақты қаншалықты түсінгендерін айтады.
Сабаққа белсенді қатысқан оқушыларға күлегештер тарату.
Бағалау.
Оқушылар
- «жаяу жүргінші» сөздерінің мағынасын түсінді;
- «қауіпсіз жол ұғымын» түсінді;
- бағдаршам мен оның белгілерінің қызметі туралы білді;
Оқушылар
- үйден мектепке дейінгі жолды бағдарлауды;
- үйден мектепке дейінгі жолдың қарапайым сұлбасын сызуды;
-қарапайым бақылау жүргізуді;
- сұрақтар қоюды үйренді.
Бағалаудың бір түрі ретінде оқушыларға
«Сөйлемді аяқта» тапсырмасын беруге болады:
Жаяу жүргінші – бұл ....
Мен .... белгісін көргенде, жерасты жолын пайдаланамын.
.... түс «тоқта!» дегенді білдіреді. Мен .....көшесінде тұрамын.
Бағдаршамның суреті, жол белгілерінің суреттері, 3 тілдегі қажетті сөз тіркестері.
Мұғалім:
Әдіскер:
Баға:
Оставьте свой комментарий
Авторизуйтесь, чтобы задавать вопросы.