Открытый классный час "Қазақстан,байтақ елсін!"

Шығыс Қазақстан облысы

Бесқарағай ауданы

Кривинка ауылы

 « Кривинка орта мектебі»КММ

Мубаракова С.М.,мектеп психологы

                                    Ашық тәрбие сағаты:

«Қазақстан, тәуелсіз, байтақ елсің!»

Мақсаты: егемендіктің мәнін ұғындыру. Өз Отанын сүйетін ұлтжанды азамат болуға тәрбиелеу арқылы оқушылардың бойында патриоттық сезімді қалыптастыру, сыйластыққа, адамгершілікке, мейірімділікке тәрбиелеу.

Тәрбие сағаттың барысы.

-         Құрметті ұстаздар, оқушылар! 16 желтоқсан - Тәуелсіздік күнімен құттықтаймыз. Қанша жыл, қанша ғасыр өтсе де ұмытылмайтын оқиғалар болады. Ұмытылмайтыны – оның тағдырымен байланыстылығында. 1986 жылғы Желтоқсан көтерілісі -21 ғасырдағы айтулы оқиға.  

Абылай:

Мен қазақпын қаныммен,жүрегіммен,

Сән салтанат салтымды сүйемін мен.

Бақ орнатам моланың басына да,

Мұрагермін, бүгінге иемін мен.

Мейірлан:

Мен қазақпын,белдімін,байтақ елмін,

Қайта тудым өмірге қайта келдім.

Мен мың да бір тірілдім мәңгі өлмеске,

Айта бергім келеді,айта бергім.

-Желтоқсан бастауы-ғасырлар қойнауынан жалғасып келе жатқан ұлы тарихтың бір белесі.

Жеңіс:

Өзің жайлы жазылар –ау мың дастан,

Қасиетті,қасіретті желтоқсан.

Рухы биік еліміздің жастары,

«Тәуелсіздік таңы»үшін айқасқан.

Желтоқсанды айтып өту парызым.

Сайрап жатыр тарихымда әр ізің.

Дүр сілкінтіп қазақ халқын танытты,

Сыпырып ап бұғауланған қамытты.

«Отаным» деп жалындаған жастары,

Намыс кернеп,азат шеру бастады.

Малика:

Қазағымның мақтанышы ұл-қызы,

Ел намысын бір оятып тастады

Сол жастардың қаныменен қол жеткен,

Тәуелсіздік қымбат едің сен неткен?

Осы күнді армандаған боздақтар,

Қайрат, Ләззат, Ербол өтті өмірден.

Тағзым етіп басымды мен иемін,

Арыстарым, аруларым, киелім!

Әрбір айтқан сөздеріңді үлгі етіп,

Сағынышпен еске алып жүр елің!

-         Бүл күнге жету үшін ата-бабамыз қан төкті, жанын берді, бүкіл елдің тұтастығын сақтап, ұрпақтан ұрпаққа табыс етті.Тәуелсіздік жолында Қ. Рысқулбеков, Л. Асанова, Е. Сыпатаев сияқты қазақ жастары құрбан болды. Осы құрбандардың рухы үшін бір минут үнсіздік жариялайық.

Ботагоз:

-          Қазағымның тарихы жатқан аңыз,

-          Ел болдық егеменді мақтанамыз.

-          Төбеміз көкке жетті қуаныштан,

-          Жаңғырды ата дәстүр, салт-санамыз.

Сабина:

Жиырма бес  жыл егеменді елімізге,

Тәуелсіздік шықты енді төрімізде.

Әлемнің тыныштығын ойлап жүрген,

Ел тізгіні Елбасы өзіңізде.

Ермурат:

Әрбір күн ала келсін жақсылықты,

Көп көрді халқым менің  тапшылықты.

Тойымыз тойға ұласқан заман болсын,

Еліміз әрқашан да аман болсын.

Зейнеп:

Есіңде ме, тұған далам,

Сен деп неше жан қиылды?!

Тас қорған боп мың сан адам,

Қорғағаны әр үйінді.

Жау еңсесін жаншып, таплап

Қуған оны жатыр ізі.

Есінде ме Мәншүк деген

Қазақтың жас батыр қызы.

-Бәрі болған қазақ деген көне елде,

Ел белгі де, елдік өнер де.

Жаһандағы ел, жауынгер, халықта,

Кім сенеді туы болмады дегенге?- деп ақын ағамыз айтқандай, 1992 жылы 4 маусымда Президентіміз Н.Ә. Назарбпев ту шашағын сүйіп тұрып: «Қасиетті ту мәңгі желбіресін, күніміз мәңгі сөнбесін!»-деді.

"Көк тудың желбірегені» әні.

Жеңіс:

Барлық есік ашық деймін,

Өз елімде мен үшін.

Ата-бабам қорғап қалған,

Ұрпақтары,елі үшін.

Тәуелсіздік төрімізде,

Желбірейді туымыз.

Қазақпын деп мақтанады,

Қызымыз бен ұлымыз.

 Айдана:

Еңсемізді тік ұстап,

Мақтанатын кез келді.

Қазақстан таң қалдырды,

Туысқан, дос ,өзге елді.

Малика:

Қазақ жері-қонақжай, төрдің жері,

Қазақ жері-қас сақтай елдің елі.

Елі кедей болмаған – жері байтақ,

Едігейдей, Бабырдай ерлер жері.

Зейнеп:

Туған халқым қазағым,

Сенің үшін жанамын.

Енді қайтіп көрмейік

Желтоқсанның азабын.

-         Тәуелсіздік-елдіктің киелі кепілі, келелі келешегіміздің , ұлттық татулығымыздың нышаны.Қазір сендерге  сұрақтар беріледі соларға  жауап беру керек.

-         ҚР президенті?

-         Бас қала?

-         Тұнғыш президентіміз қай жылы туған, туған жері?

-         Еліміздің рәміздері?

-         Тудың авторы кім?/Шакен Ниязбеков/

-         Елтаңбаның ?/Шота Уалиханов, Жандарбек Малибеков/

-         Әнұранның?/Ш.Калдаяков

-         Желтоқсан оқиғасы қашан болды?

-         Тәуелсіздік күнін ата?

-         Осы алдымыздағы  Қазақстан картасына   тілектерімізді осы гүлдерге жазып жапсырамыз.

«Қазақта ел қайда» әні орындалады.