Презентация "Жаңа жылдық букет"

• 1 слайд

  
  
  
  
  
  
  «Жаңа жылдық букет» атты шоу-бағдарлама
  Мұғалім-дефектолог А.А.Нургожина
  Қазақстан Республикасы Білім және ғылым министрлігі
  Солтүстік Қазақстан облысы әкімдігінің
  «Даму мүмкіндігі шектеулі балаларға арналған
  №1 арнайы (түзету) мектеп-интернаты» КММ
  

• 2 слайд

  
  
  
  Жаңа жыл құтты болсын, замандастар!
  Ұлағатты үлкендер, балғын жастар.
  Жаңа жыл алып келсін құт-береке,
  Жақсылық бола берсін алға бастар.
  Жаңа жыл құтты болсын бәрімізге,
  Қыдыр ата қонсын келіп төрімізге.
  Бейбіт өмір орнасын бар әлемге,
  Бақыт оты жарқылдасын көзімізде.
  

• 3 слайд

  Ис
  
  .
  

• 4 слайд

  Ис
  
  Жаңа жылдағы тілек.
  Тілегім менің
  Баршаңызға тілейтінім жақсылық,
  Жақсылықтар бұл өмірде баршылық.
  Ең алдымен аман болып отбасы,
  Алла берсін деніңізге саушылық.
  Үміт-арман жетелесін бізді алға,
  Жетелесін биік-биік шыңдарға.
  Еңбек етіп, талмай, шаршап, қажымай,
  Абыроймен аттаңыздар жылдарға.
  

• 5 слайд

  Аяз ата мен Санта-Клаустың айырмашылықтары
  

• 6 слайд

  Аяз ата мен Санта-Клаустың айырмашылықтары
  
  
  1.Ең бірінші бас киімнен бастайық. Бас киімдері қандай? (Аяз ата теріден тігілген қалың бас киім кисе, Санта-Клаус домалақ шашақты бас киім киеді екен).
  2. Сақалдары қандай?
  (Аяз атаның сақалы беліне дейін келетін ұзын болады. Ал Санта-Клаустың сақалы қысқа келеді).
  3. Сырт киімдері қандай?
  (Аяз атаның тоны тобыққа дейін келетін ұзын болады. Ал Санта-Клаус қысқа күртеше киеді).
  4. Киімінің түсі қандай?
  (Аяз атаның киімі көбіне қызыл, көк немесе ақ болады. Ал Санта-Клаустың киімі тек қызыл түсті болады).
  5. Қолғаптары қандай? (Аяз атаның қолғабы қалың болса, Санта-Клаустікі жеңіл әрі жұқа болады).
  6. Қолдарында не бар? (Аяз ата асатаяқ ұстаса, Санта-Клаустың қолында ештеңе болмайды).
  

• 7 слайд

  Аяз ата мен Санта-Клаустың айырмашылықтары
  7. Белдіктері қандай? 
  (Аяз ата матадан тігілген ақ белбеу тағады. Ал Санта-Клаустың белдігінің айылбасы (белдікті ұстап белде ұстап тұратын темірден жасалған бөлігі) болады).
  8. Аяқ киімдері қандай?
  (Аяз ата пима, ал Санта-Клаус етік киеді).
  9. Көзілдіріктері бар ма?
  (Санта-Клаус көзілдірік тағады. Ал Аяз ата тақпайды).
  10. Көліктері бар ма, қандай көлік?
  (Аяз ата атқа жегілген шанаға мінетін болса, Санта-Клаус бұғыларға жегілген шанамен жүреді.
  11. Көмекшілері кімдер?
  (Аяз атаға оның немересі Ақшақар көмектессе, Санта-Клаусқа мейірімді эльфтер қызмет етеді).
  

• 8 слайд

  Құтты болсын, құтты болсын Жаңа жыл!
  Жаңа жылда төгілсінші жаңа жыр.
  Адамзаты бар әлемнің аман боп,
  Көрейікші жақсылықтар жаңа бір.
  Арман-мақсат орындалсын әрқашан.
  Нұрлы болсын төбемізде ақ аспан.
  Ел тірегі ер-азамат аман боп,
  Жұрт болайық ынтымағы жарасқан.
  
  

• 9 слайд

  «Жаңа жыл» бізді қандай жағымды жаңалықтармен
  2015 жыл ҚР Президенті Н. Назарбаевтың атауымен Қазақстан халқы Ассамблеясының жылы деп жарияланды.
  Осы жылы Қазақстан халқы Ассамблеясының 20 жылдығы,
  Қазақ хандығының 550 жылдығы,
  Ата заңымыздың 20 жылдығы,
  Ұлы Жеңістің 70 жылдығы тойланады.
  
  

• 10 слайд

  Қой жылы туған тұлғалар да аз емес
  Қажым Жұмалиев (1907-1968 жж.) Ғалым, филология ғылымдарының профессоры, Қазақстанның еңбек сіңірген ғылым қайраткері, Қазақстан Ғылым академиясының академигі. 1923 – 25 жылы Орынбор ересектер мектебінде, Шымкент ауыл шаруашылық техникумында оқыған. 1932 жылы ҚазПИ-ді (қазіргі АлМУ) бітірген. 
  Мәулен Балақайұлы Балақаев (1907-1995 жж.) Қазақ тілтанушысы, көрнекті ғалым. Ол 1907 жылы Оңтүстік Қазақстан облысы, Шаға ауылында дүниеге келген. Абай атындағы педагогикалық институтты бітірген. Ұлы Отан соғысына қатысқан. М.Балақаев 150-ден астам ғылыми жұмыс, 20-дан астам кітап пен монографияның авторы. Ғылыми мүдде ауқымы: қазақ тілі грамматикасы, орфография, терминология, сөйлеу мәдениеті, стилистика
  Нүркен Әбдіров (1919-1942 жж.) Әскери ұшкыш-штурмовик, сержант, Кеңес Одағының Батыры. Әбдіров Нұркен 1919 жылы Қарқаралы өңірінде бұрынғы 5-ші ауыл, қазіргі Нұркен атындағы шаруашылық аумағында шаруаның отбасында дүниеге келген.  Оқуды тәмамдағаннан кейін ол 267 әуе дивизиясының 808-ші шабуылшы полкы құрамында майданға аттанды
  

• 11 слайд

  Қой жылы туған тұлғалар да аз емес
  Әмина Ерғожақызы Өмірзақова (1919-2006 жж.) театр және кино актрисасы, Қазақстанның Халық әртісі. Шығыс Қазақстан облысы Абай ауданы Қарауыл ауылында дүниеге келген. 1938–1940 жылдары Шымкент облыстық драма театрының, 1940 – 1942 жылдары қазіргі Қазақ мемлекеттік академия драма театрының труппасында, ал 1942 – 1949жылдары “Қазақфильм” студиясында қызмет атқарды
  Мұқағали Сүлейменұлы Мақатаев (1931-1976 жж.) Қазақтың лирик, мұзбалақ ақын, ақиық ақыны. Ол Алматы облысы, қазіргі Райымбек (бұрынғы Нарынқол) ауданының Қарасаз ауылында дүниеге келген. Балалық шағы соғыспен қатар өткендіктен, ақын тағдырдың ащы дәмін ерте жастан тартады. Поэзиясының қайнар көзі, шабыт тұғыры туған елі, өскен жері, Отан тағдыры, замана тынысы, замандастарының арман аңсары
  Оралхан Бөкей (1943-1993 жж.) Жазушы-драматург, журналист, Қазақстан Республикасы мемлекеттік сыйлығының лауреаты, Қазақстан Республикасы Жастар сыйлығының лауреаты, Н.Островский атындағы Бүкілодақтық әдеби сыйлықтың лауреаты. Ол, Шығыс Қазақстан облысы Катонқарағай ауданы Шыңғыстай ауылында дүниеге келген.
  

• 12 слайд

  Қой жылы туған тұлғалар да аз емес
  Медеу Уәлиханұлы Арынбаев 1967 жылы 5 наурызда Сарыағаш ауданы, Дарбаза бекетінде дүниеге келген. Әнші, Қазақстан Жастар одағы сыйлығының лауреаты.
  
  
  
  Тұрсынбек Қабатов 1979 жылы 10 қазанда туған. Қазақстандық танымал әртіс, КВН-ның жарқын жұлдызы, елімізге танымал сықақшы «Астана қаласы көңілді тапқырлар театрының» директоры
  
  
  
  Данияр Маратұлы Елеусінов 1991 жылы 13 наурызда Березино ауылы, Казталовка ауданы, Батыс Қазақстан облысында дүниеге келген. Қазақстандық әуесқой-боксшы, Азиада-2010 жеңімпазы, 2013 жылғы Алматы қаласында өткен Әуесқой бокстан 69 кг салмақта әлем чемпионы, халықаралық спорт шебері
  Берік Айтжанов 1979 жылы 11 наурызда Қызылорда облысында дүниеге келген. Қазақстанның кино және театр әртісі.