Тіл дамыту сабағы "Қысқы киімдер"

Күні:03.12.2015_

Білім беру саласы: Қатынас

Оқу іс-әрекеті:_ Тіл дамыту _

Тақырыбы:Қысқы киімдер.

Мақсаты:_ 1.Балаларға киім, киім түрлері, қысқы киімдер туралы түсінік беру. Қысқы киімдерді ажырата білуге үйрету.

2.Әр мезгілде киетін киімдерді атай білуге, жұмбақтар шешкізу арқылы ойлау қабілеттерін дамыту. Сурет бойынша , сөйлем құрату арқылы сөздік қорларын молайту, грамматикалық тұлғада жүйелі сөйлеуге баулу.

3.Киімді ұқыпты, таза киюге тәрбиелеу.

Әдіс- тәсілдер: Түсіндіру,  көрсету,  сұрақ – жауап, ойындар.

Көрнекіліктер: Жыл мезгілдерінің суреттері  , қысқы киімдер суреттері , Ө.Ақыпбекұлының   суреті , қысқы киімдер көрмесі, 1,2,3,4,5 сандары.  

Әрекет кезеңдері	Тәрбиешінің іс - әрекеті	Балалардың іс - әрекеті
Мотивация лық қозғаушылық	Алақанды ашайық, Күннін нұрын алайық, Жүрекке жылу салайық, Жиналған жылы шуақты , Бір – бірімізге шашайық.	Балалар шаттық шеңберін құрып, бір – біріне жылы шуақ шашады.
Ұйымдастырушылық                                   ізденушілік	Балалар бір жылда  неше жыл мезгілі бар? Төрт жыл мезгілі бар. Жаз, көктем, күз, қыс. Балалар қазір жылдың қай мезгілі? Қыс мезгілі. Қыс айларын атаңдаршы? Желтоқсан, қаңтар, ақпан.  Қыс мезгілінде қандай  мерекелер  болады? 1 желтоқсан  тұңғыш Президент күні. 16 желтоқсан Тәуелсіздік күні. Жаңа жыл мерекесін тойлаймыз. Ал балалар қыс мезгілі  туралы қандай  тақпақтар білесіңдер? Қыс мезгілінде ойнайтын қандай ойын түрлерін білесіңдер? Шанамен сырғанау, коньки тебу, сырғанақ, аққала жасау. Ал балалар сендер қыс мезгілінде қандай киім киетіндеріңді білесіңдер ме? Олай болса балалар бүгін  қысқы киім түрлерімен танысамыз. Сыр сандықтағы сөздермен танысу: пима, тон, ішік, байпақ.  Малақай – құлағы бар жылы баскиім, құлақшын. Пима – жүннен  басылған  қысқы аяқ киімдер. Тон – иленген  қой терісінен,  жүнін ішіне қаратып тіккен  жылы сырт  киім. Ішік – іші жағы аңның терісінен тігіліп, сыртын  матамен тыстаған жылы сырт киім. Байпақ – етіктің ішінен киетін, жұқалау етіп басылған  қонышты  киіз  шұлық. Байпақтың сыртынан кебіс те киеді.  (Суреттен  қысқы киімдерді көрсету) Үстел үстіне көрме ұйымдастырып , балаларға көрсету. Дәптердегі  сурет бойынша әңгіме құрау.   Сергіту сәті. Ал балалар сергіп алсақ  дәптердегі  Өтепберген Ақыпбекұлының «Менің  киімдерім» санамағымен  танысамыз. Ө.Ақыпбекұлы  1950жылы  8 қазанда Алматы  облысы , Қапал ауданында  дүниеге келген . Ақын, жазушы, аудармашы, балаларға арналған  көптеген шығармалары бар. Өлеңдерінің бірі санамақпен танысамыз. Санамақ  өлеңін балаларға  оқып беру. Санамақ  өлеңіндегі тымақ  - ол   баскиімнің  бір түрі , ертеде аталарымыз  аң –құсқа шыққанда   киген. Бір санында қандай киім түрі бар? Бөрік Екі санында  қандай  киім  түрі бар? Етік Үш санында  қандай  киім түрі бар? Ішік Төрт санында  қандай киім түрі бар? Тымақ Бес санында  қандай  киім  түрі бар? Байпақ Балалар  1 – ден 5- ке дейін санайық . Кері санайық Қай топ жылдам ойыны: Балалар  сендерге үш топқа тапсырмалар беремін  бірінші топ мына киімдердің  арасынан  қысқы бас  киімдерін бояу. Екінші топ  сырт киімдерін . Үшінші топ   аяқ киімдерін . Балалар қыс туралы, қысқы киімдер туралы   жұмбақ білесіңдерме?	Балалар сұрақтарға жауап береді. Балалар қыс туралы тақпақтарын  айтады. Балалар жаңа сабақпен танысады. Балаларға қысқы киім түрлерін суреттен көрсету. Үстел үстіндегі  көрмені    балаларға көрсету. Балалар дәптердегі суретке әңгіме құрастырады.. Сергіту сәті. Балалар санамақты жаттап  айтады. Балалар 1-5 дейін тура,кері санайды. Балалар  суреттерді бояу. Балалар жұмбақтар айтады.
Рефлекстік коррекциялаушы	«Не артық?»  дидактикалық  ойыны. Бір қатарда тұрған  киімдердің  ішіндегі  қайсысы артық? Туфли артық. Өйткені  туфлиді  күз,  көктем мезгілдерінде ғана  киеміз. Бүгінгі  сабақта  қысқы  киімдер  туралы  әңгімеледік. Олардың  басқа  киімдерден  ажырата білетін  болдық. Киімдерді топтап  айтайық. Малақай, құлақшын – баскиімдер. Байпақ, кебіс, пима – аяқкиімдер. Киімді  әр жерге  лақтырмай, кір қылмай  таза  ұстау  өздеріңе байланысты. Киімдеріңді ұқыпты кию керек. Балаларды мадақтау.	Балалар  киімдерді топтап айтады. Жақсы қатысқан балаларды мадақтау.

Білу керек:_Жыл мезгілдерін білу.

Болу керек: _Сабаққа деген қызығушылығы. _

Көрсете білу: Қысқы  киімдерді атай білу._

«Бейнеу ауданы Ы.Алтынсарин атындағы» ММ- сі Ашық сабақ Тіл дамыту Тақырыбы:  Қысқы киімдер                             Дайындаған: Раушанова Гулшат 2015 – 2016 оқу жылы