Өзін-өзі тану 3-сынып "Мейірімділік - жан тынысы"

              “Өзін-өзі тану”   3-кл        Мұғалім: С.Т. Дауренбекова

Тақырыбы: Мейірімділік – жан тынысы.
Мақсаты: Бастауыш сынып оқушыларының өзін-өзі тану дағдыларын дамыту.Бір-біріне,қоршаған ортасына көңіл бөлуге және қамқорлық көрсетуге, сезімталдыққа, мейірімділікке  тәрбиелеу.

Сабақ барысы:     шаттық шеңбері.  

Мұғалім:    Құшағымды кең жайып,

                              Шақырамын шеңберге.

                    Мейірімділіктен нәр алып,

                    Мына    әсем   бөлмеде.

Сәлеметсіңдерме, балалар. Жан-жақтарына қарандаршы, бүгін қандай керемет, тамаша күн. Отырған ойыншықтар да көңілді сияқты. «Неліктен?» деп ойлайсыңдар ғой. Өйткені, олар біздің келгенімізге қуанышты.

Ал енді бәріміз қол ұстасып, өзімізбен де,  бүгінгі күнмен де,мы-на отырған ойыншықтармен де, келген қонақтармен де амандасайық.

Қайырлы таң! Кім ойлап тапты екен?

Кім тапса да жақсы екен.

Қайырлы таң жарқыраған күнге де,

Қайырлы таң – жайнап тұрған гүлге де.

Қайырлы таң – бақшаға да, талға да,

Қайырлы таң – күлімдеген жанға да,

Мейірімді таңнын нұры тараған,

Мейірімді болып кетер бар адам.

Қайырлы таң кешке дейін созылсын,

Түнде ғана тыныс алып, көз ілсін.Рахмет балалар, енді орындарына жайғасып отырындар

    І.  «Мейірімділік сарайын орнату»(Қағаздан қиып, жапсырмалау)
Мұғалім сөздерді қимыл арқылы айтады, балалар қайталайды.
Біз сарай орнатамыз, тақтайды тақтайға, бөренені бөренеге қоямыз. Төбесін жабамыз. Есік, терезесін қоямыз. Сарай дайын. Қоңырау шырылдайды: зың-зың, зың-зың.Адамдар сарайға қарай келіп жатыр: үлкен-кіші, әйелдер мен ерлер, аталар мен әжелер, балалар.

Қай топтың сарайы жақсы қасиеттерге толы, сонда адамдар тіпті көп барады. (Әр топ өз сарайындағы жақсы қасиеттерді көп айтуға тырысады) оқушылар жауабы.
          Тыныштықта отыру. Балалар көздерін жұмады. Мұғалім сөйлейді. Сендердің жүректерің - сендердің кішкене жарқыраған күндерің .Ол да күн сияқты жылытады. Сендердің күндерің сендерге жылулық береді. Өздеріңнің жақсылықтарыңмен адамдармен бөлісесіңдер. Ал, кәне жақсылық сезімдерімізді өздеріміздің әке-шешемізге, аға-әпкелерімізге, өздеріміздің достарымызға, барлық адамзатқа, келген қонақтарға, маған және өзіміздің кішкене ғана әдемі жер шарымызға, бәріне-бәріне жіберейік, жақсылық тілейік.
-Ал, енді көздеріңді ашыңдар, жымиыңдар және осы сезімдеріңді, қуаныш-тарыңды күні бойы сақтауға тырысыңдар.

         ІІ. Мейірімді адамды анықтау.
          - Сендер «Мейірімді адам» дегенді қалай түсінесіңдер? - Қандай адамды мейірімді адам деп айтасыңдар? (оқушылар жауаптарын қағазға түсіреді)

Мейірімділік туралы қандай мақал-мәтелдер, өлеңдер білесіңдер?
        ІІІ. Өзін-өзі тану дағдыларын дамытуға арналған жаттығулар.
      «Мейірімділік үйіне қоныстану» -Сендердің алдарыңда сиқырлы үй. Ол қалай айтылады?(балалар оқиды: Мейірімділік үйі) -Үйдің екі қабаты бар: бірінші қабатта жақсы, мейірімді адамдар,  жоғарғы қабатта өте мейірімді адамдар тұрады.
       -Ал енді ойланыңдар, сендер өздеріңе қай қабатты қалайсыңдар? Неге? (оқушылар жауабы) -Балалар, сендер үшін ең мейірімді адам кім? Өмірлеріңде сендерді бірінші рет жақсылыққа үйреткен кім? Сендердің әрқайсысыңда сондай адам бар. (Ана) -Келіңдер, балалар, бәріміз жақында ғана сүйікті анамыз туралы үйренген әнімізді айтайық.
Ән «Құттықтаймын, ана, қуанышыңмен!»

       ІV. Ойын «Мейірімді сиқыршы»
       Тақия мен сиқырлы таяқша шеңбер бойымен жалғастырылады. Әрбір оқушы барлық сыныптастарын мейірімді болуға сиқырлайды.
Сендерге мейірімді сиқыршы болған ұнады ма? - Кім үшін мейірімді сиқыршы бола аласыңдар? - Қандай жақсы істерді жасай аласыңдар? Сиқыршы рөліне ене отырып балалар жасай алатын іс-әрекетті талқылау.
       «Егер  мен ....»  ойын тренинг

-         Егер мен хан болсам....

-          Егер мен көрінбейтін «құпиялы адам» болсам...

-          Егер мен сиқыршы болсам...

V. «Күн» жасау.
-Бізде қонақта күн. Әрбір шапағында сендердің суреттерің.
Өз шапақтарыңды табыңдар. Ол ғажап, шын ғой? Қазір әрқайсысың өз шапақтарыңа жүректеріңнің жылуын, жақсы тілектер жазу арқылы білдіресіңдер. Тілектерің күннің жылуы арқылы, барша әлемге таралады. Барлық адамдардың жүрегіне жылу ұялатады.

-          Қазақстанның бірінші ханымының бастамасымен елімізде жетім балаларды қорғау туралы Заң қабылданды. Осының нәтижесінде республиканың барлық өңірінде жетім балалар үшін отбасылық үлгідегі балалар қалашықтары құрылып, «Үміт», жасөскіндер үйлері ашылуда. Өз жүрегінің жылуын жетім балаларға арнаған.

-          Видео бейне көрсету.

VІ.  Жүректен жүрекке! шеңбер    Қол ұстасып, «Ризашылық»  айтамыз.

o   Ризамын бүгінге мен!

o   Ризамын қазірге!

o   Ризамын ертеңге мен!

o   Ризамын өмірге мен!