Наурыз мерекесі 1 сынып

Тақырыбы: «Қош келдің, Әз Наурыз»

Мақсаты: Наурыз мейрамы туралы түсінік беру арқылы қазақ халқының салт-дәстүрлерін көрсету және оны құрметтей білуге үйрету

   1- жүргізуші:  Армысыздар, ұлағатты  ұстаздар!

2- жүргізуші:  Бармысыздар  жадыраған  жас  достар!

Хормен:  Берекелі,  мерекелі  алтын күз  құтты  болсын.

1 – жүргізуші: Бүгін 1 «Б» сынып ата - аналарының арасында ұйымдастырылып отырған «Қош келдің, Әз Наурыз» сайысына қош келдіңіздер.

2 -жүргізуші: 

Уа, халайық, халайық,

Мұнда  назар салайық!

Мерекесі  халықтың

Әз Наурызға  арналған

Кешімізді  бастайық -деп  сайысымызды бастауға рұқсат етіңіздер

1 -жүргізуші:    Армысыздар, ағайын, құрбы- құрдас!

                           Бармысыздар, жан күйер әз қауымдас!

                           Бүгінгі кеш  әуенін  біз бастайық

                           Сайыста көңілменен қол соғайық.   

2 – жүргізуші       

        Өнер,білім,өнеге тұнған  дарын

        Өнерліге өз басым таң қаламын.

        Өнерді әділдікпен бағалайтын.

        Таныстырайын әділқазы алқаларын -дей келе, әділ – қазы мүшелерімен танысайық

-------------------------------------------------------------------------------------------------------------------------------------------------------------------------------------------------------------------------------------------------------------------------------------------------------     Әділ – қазы алқаларын сайлап болсақ , сайысымызды бастайық.

 1 – жүргізуші:

-Біздерде ойын-сауық басталады
Тамаша күй тартылып,ән салады.
Қошеметтеп қол соғып отыралық
Ұмытармыз күні бойы шаршағанды.
Аққудай әдеміміз, сұлу жанбыз
Жан сұлуы мен тән сұлуын тепе-тең ғып                                                                                                                        Еріксіз өзімізге қаратамыз-деп сайысқа қатысушыларымызды құрметтеп қошеметтеп отырайық.

Міне,  бүгінгі сайысқа қатысатын сайыскерлерімізге сайыстың  шарттарымен таныстырып өтейін.

1-    Сайыс: Әр топ өзін  таныстыру .

2 – сайыс Өз өнерлерін ортаға  салу

3 – сайыс Ұлттық салт – дәстүрді көрсету

4 – сайыс Ұлттық ойын

5 – сайыс Сұрақ – жауап сайысы

      2 – жүргізуші:

 Құрметті көпшілік көрерменім
Жақсылыққа әрдайым артқан сенім
Ақжол тілеп үкілі үміттерге
Таныстыру шартына кезек бердім

         Сайысымыздың  1-ші кезеңін бастаймыз. Аналарымызға сәттілік тілеп, қол соғып қошемет көрсетіп отырайық.

1 – жүргізуші:         Өнер жастан жаныңдар
                                  Шақырған сайыстарға бірі-бірін
                                 Өнерпаздар дарындар
                                 Көрейік,ән биді көрермендер
                                 Көрсетсін сайыскерлер өнерлерін-деп өз өнерлерін көрсетуге шақырамыз.

2 – жүргізуші:- Ата – дәстүр абырой көтергенге,
О, бұл сөздер сүйектен өтер демде!
Тоқталамыз енді біз, ал халайық,
Ата – бабам сыйлаған салт – дәстүрге

Сайысымыздың үшінші бөлімінде қатысушылардың салт – дәстүрді көрсету сайысына кезек береміз

 1 – жүргізуші:      Ендігі кезектегі сайысымыздың аты Ұлттық ойын деп аталады. Олай болса, сайыскерлерімізге кезек берсек.

2 – жүргізуші        Аналар сайысқа қалайсыздар?

                                 Сендер өтер әлі де талай сын бар.

                                 Тапсырма ал тақырыбын таңдай беріп,

                                 Дұрыс жауап берсеңдер жарайсыздар – деп, үшінші кезең, тапсырмалар орындауды ұсынамыз! Аналарымыз таңдаған тақырыптары бойынша сұраққа жауап береді.

1 – жүргізуші:        

                                 Барына риза болсын көрермендер,

                                  Көрсетті өнерлерін сайыскерлер.

                                  Осымен  «Аналар сайысы» аяқталсын,

                                  Қазылар берсін енді шын бағасын - деп Сөз кезегі қазылар алқасына беріледі.