Сабақтың тақырыбы: «Отаным - алтын бесігім».
Сабақтың мақсаты: Оқушыларды өз Отанын сүюге, өз Республикасының ән
ұранын, елтаңбасын, мемлекеттік жалауды құрметтеп,
оны білуге үйрету.
Сабақтың түрі : Әдеби музыкалық монтаж, сұрақ жауап.
Сабақтың көрнекілігі: Еліміздің елтаңбасы, әнұран жазылған плакат, жалау,
суреттер нақыл сөздер жазылған газет.
Сабақтың барысы: Ұйымдастыру кезеңі
Әнұран айту
Жаңа сабақ
Баяндама : Отан деген сөзді күн сайын естіп жүрміз. Отан дегеніміз адамның туып өскен жері, туған туыстарымен, жақындарымен бірге тұратын адамдар-дың атамекені. Қазақ елінде тұратын адамдардың Отаны Қазақстан Республикасы. Біздің еліміз табиғаты таң қаларлықтай бай өлке болып табылады. Бірнеше кен байлықтарымыз бар: темір, көмір,мұнай, фосфорит, марганец, хромит, алтын, тұз т.б.
Қазақстан солтүстігінде Ресей, оңтүстік шығыс Қытаймен, онтүстікте Қырғыстан, Өзбекстан,Түркменстан, батысы Каспий арқылы Әзірбайжан республикаларымен шектеледі.
1990жылы 26 қазанда Қазақстан Республикасы егеменді мемлекет болды.
1991 жылы желтоқсанның 16 да Қазақстан тәуелсіз республика болып жарияланды.Дүние жүзі Қазақстанды тәуелсіз мемлекет деп танылды.
Кәзіргі кезде бүкіл мемлекет біздің елімізбен тығыз байланыста, шикі затты
сатуда, сатып алуда қай мемлекетпен болсада, оң шешімін табуда. Біз осындай келешегін алда болжап, өркен жайған, татуы берік, құшағы кең, достығы мәңгі жайнаған тәуелсіз отанның ұландарымыз.Ендігі осы отанымыздың гүлденуін, өркендеуін жеткізетін мына сендермен , біздерміз. Сондықтан адал достықты, терең білімді ұрпақ болуымыз керек.
Енді осы отан туралы бір жырлайықшы:
1 Отан деген атамекен.
Отан деген туған жер,
Отан ана,отан пана.
Қазақстан туған ел
2 Отан менің ата анам,
Отан досым бауырым
Отан өлкем, астанам.
Отан туған ауылым
Отанды біз атамекен,
Деп аялап атаймыз
3 Өйткені осы мекен еткен
Бабамыз бен атамыз.
Отанды жас көреміз де,
Туған жер деп сүйеміз.
Өйткені онда бәріміз де,
Туып өмір сүреміз.
4 Толтырған гүл даланы,
Жайнатқан ауыл даланы.
Ардақты Атамекенім,
Отаным Қазақстан мекені.
5 Сүйікті туған ел,
Шарықтап өсе бер.
Шынығып өскен жер,
Гүлденіп, көркейіп өсе бер!
6 Әйнегі күн, шатыры аспан,
Кең дала
Төсі толған егін.
Көлдері күміс шашқан.
Қазақстан Республикам менің!
Отан туралы мақал мәтелдер айтайық
1 Туған жердің күні де ыстық,
Түні де ыстық.
2 Отансыз адам
Ормансыз бұлбұл.
3 Туған жердің қадірін,
Шетте жүрсең білерсің.
4 Көптен береке кетпес,
Берекелі елден мереке кетпес.
5 Қалыптан безсең де,
Халықтан безбе.
Қортынды: Сонымен қорыта келгенде, өзіміздің жерімізді, рәміздерімізді, Отанымызды құрметтеуге және патриоттық сезімімізді нығайта түсуге тырысайық! Туған жер деген киелі ұғымды әр Қазақстандық құрмет тұтуға, оны қастерлеуге міндетті екенін ұмытпайық. Ел ерімен мақтанар, жер кенімен мақтанар - деген, елімізді қорғар ер азаматтар, асыл ұрпақтар, тәрбиелі ұл - қыздар молая берсін.
Оставьте свой комментарий
Авторизуйтесь, чтобы задавать вопросы.