Жазғы лагерде ойнатылатын ойын

Интеллектуалдық-спорттық ойын: «Намыс дода»

Өтілетін орны: Спорт зал

Мерзімі:28-мамыр, 2014 жыл.

Қатысушылар: « Болашақ », « Балдырған », « Тау самалы » педагогикалық отрядтары;

Мақсаты:

• Педагогикалық отряд мүшелерін түрлі спорттық, көпшілік ойындармен, эстафета түрлерімен таныстыру. Сауықтыру, шынықтыру жаттығуларымен қатар логикалық ойлау, интеллектуалдық, шығармашылық қабілеттерін шыңдау.

Барысы:

Жүргізуші: Қайырлы күн, бүгінгі интеллектуалдық-спорттық ойынымызға қатысушы педагогикалық отрядтар мен қадірлі қонақтар және жанкүйерлер! «Жазғы семинар - 2014» бағдарламасы аясында «Толағай» педагогикалық отрядының ұйымдастыруымен болғалы отырған «Намыс дода» интеллектуалдық-спорттық ойынымызға қош келдіңіздер!

Жүргізуші: Бүгінгі «Намыс дода» интеллектуалдық-спорттық ойынымызға

қатысушы педагогикалық отрядтарымен таныс болыңыздар.

.....................................................................................................................................

Жүргізуші: Құрметті көрермендер, педагогикалық отрядтарымызды әділ бағалайтын бүгінгі сайысымыздың әділқазы алқасымен таныстыруға рұқсат етіңіздер! Әділқазылар алқасының төрағасы ........................................................

.....................................................................................................................................

Сонымен қатар есеп-шот жүргізуші........................................................................

Жүргізуші: Қадірлі әділқазылар алқасы сіздердің жауапты да абыройлы жұмыстарыңызға сәттілік тілейміз! Ал сайыскерлерімізге ақ жол тілеп, сайысқа дайын болып, көрермендеріміздің көңілінен шығуларына тілектестік білдіреміз!

І тур: «Ептілер мен білгірлер»

Қажетті құрал-жабдықтар: баскетбол добы, мемлекеттердің рәміздері.

Шарты: Ең бірінші оқушы допты жерге ұрып алға қарай жүгіріп, себетке барып допты лақтырады. Себетке түспейінше артқа қайтуға болмайды. Дәл осылай келесе 4 оқушы да қайталайды. Ең соңғы оқушы допты себетке түсіріп болғаннан соң, артқа қайтып, барлық 5 оқушы бірге өздерінің білгірліктерін байқату мақсатында тапсырма столына келіп, тез арада бір мемлекетті таңдап, соған сәйкес тапсырмаларды әділқазыларға баяндап беруі шарт.

Жүргізуші: Әділқазылар алқасынан І турдың бағасын берулеріңізді сұраймыз! (есепші әр отрядтың жалпы бағасын беріп отырады).

ІІ тур: «Алға пед.отряд!»

Шарты: Команда мүшелері ортаға шығып белгіленген жерден алға қарай ұзындыққа секіріп отырады. Бұл сайыстың ерекшелігі, бірінші бастаған оқушының жеткен жерінен екінші оқушы, дәл осылай әрі қарай жалғасып кетеді. Нәтижесінде қай отрядтың алға шыққандығы белгілі болып, бағаланады.

Жүргізуші: Әділқазылар алқасынан ІІ турдың бағасын берулеріңізді сұраймыз! (есепші әр отрядтың жалпы бағасын беріп отырады).

ІІІ тур: «Асықпай абайлап, биікке самғай бер!»

Құрал-жабдықтар: Скакалка, шелек, стакан, су құятын ыдыс.

Шарты: Бұл сайысқа алдын-ала 3 минут уақыт беріледі.

Мәреде тұрған шелектен стаканға су құйып алып, алдағы секіртпеден стаканның бетін қолмен жаппай 5 рет секіріп, алға қарай жүгіріп, су құятын ыдысқа толтыру керек. Берілген уақытта оқушылар іс-әрекетті қайталап, суды неғұрлым көп жинауға ұмтылуы қажет.

IV-тур: «Паравоз»

Шарты: Капитан командасы бірінші болып мәре сызығына дейінгі кедергілерден айнала өтіп, өз командасынан тағы бір адамды өзіне тіркеп алады. Осылайша барлығы кезек –кезегімен бірінің артына бірі тіркеліп , барлығы бірге өз орындарына қайтуы тиіс. Қай команда мүшелерінің барлығы тіркесіп, бірінші жетсе сол команда жеңіске жетеді.

Жүргізуші: Әділқазылар алқасынан ІІІ турдың бағасын берулеріңізді сұраймыз! (есепші әр отрядтың жалпы бағасын беріп отырады).

Әділқазылар алқасының шешімі дайын болғанша, пед.отряд мүшелерімен әр түрлі қимыл-қозғалыстар, жаттығулар орындалады.

Жүргізуші: Бүгінгі сайыстың қорытындысына әділ бағасын беретін әділқазыларымызды ортаға шақырамыз! (жеңіске жеткен педагогикалық отрядтарын марапаттау рәсімі жүргізіледі).

М.Мәметова атындағы гуманитарлық колледжі

Интеллектуалдық-спорттық ойын

Қызылорда, 2014 жыл