3-сыныптарға арналған "Қазақ тілі" пәні

ҚАШЫҚТАН ОҚЫТУ КЕЗІНДЕГІ ҚАЗАҚ ТІЛІ ПӘНІНЕН САБАҚ ЖОСПАРЫНЫҢ ҮЛГІСІ

Мұғалімнің аты-жөні:			Анарбекова Л
Пән/Сынып:			Қазақ тілі,3-сынып
Қай аптаның нешінші сабағы			6-апта 21-сабақ
Тарау немесе бөлім атауы:			Жақсы мен жаманды білемін.
Сабақтың тақырыбы:			1.Қыстырма сөздер(Оқулық 45-46 бет, «Атамұра» баспасы, 2018ж.)
Оқу мақсаты:			3.3.7.1 қаратпа, қыстырма сөздерді ажырату жəне тыныс белгілерін дұрыс қою; 3.1.1.1 тыңдаған материал бойынша тірек сөздерді белгілеу, ашық жəне жабық сұрақтарға жауап беру;
Бағалау критерийі:			Мұғалімнің көмегімен қыстырма сөздің ережесімен танысады, тыныс белгісін біледі ,сөйлем ішінен таба алады. Мұғалімнің көмегімен тыңдалған материал бойынша тірек сөздерді белгілейді және ашық, жабық сұрақтарға жауап бере алады.
Саралап оқыту тапсырмалары
Ұжымдық жұмыс Жаңа тақырыптың түсіндірілуі				Бірлескен жұмыс (1,2 тапсырма) Тапсырманы ұсыну және дұрыс жауапты ұсыну арқылы үйрету			Жеке жұмыс Тапсырманы ұсыну, оқушылар өз бетімен орындауы
Уақыты	Кезеңдері	Тапсырма			Тапсырманың мақсаты	Бағалау		Ресурстар
1 минут	Ұйымдастыру	-Cәлеметсіздер ме, балалар!Қазір қазақ тілі пәні. «Мюнстерберг» әдісі бойынша жаңа сабақты хабарлау. мрнатлдқыстырмаджкагршсөздербпрты Бүгінгі сабақта: Сенің білетінің: ·         қыстырма сөздерді ажыратып  және тыныс белгілерін дұрыс қоюды. Сенің меңгеретінің: •           тыңдаған материал бойынша тірек сөздерді белгілеу, ашық жəне жабық сұрақтарға жауап беру			Мюнстерберг әдісі зейіннің таңдамалылығын анықтауға бағытталады.	Жылдам, тез тақырыпты әріптер арасынан таба біледі.		Презентация № , 2 беттер Презентация № 3бет
7-8 минут	Жаңа сабақ	Кестемен жұмыс 1. Әрине, еңбексіз ер де, жер де көгермейді. 1. Еңбексіз ер де, жер де көгермейді. 2. Биыл, несін айтасың, егіннің шығымы өте жақсы! 2. Биыл егіннің шығымы өте жақсы. 3. Меніңше, бұл – өте мықты адам. 3. Бұл – өте мықты адам. 4. Мүмкін, сіз оған көмектесерсіз. 4. Сіз оған көмектесерсіз. • Сөйлемдердегі қарамен берілген сөздерге назар аудар. Олардың сөйлемге қандай мағына үстеп тұрғанын байқа. https://imektep.kz/kz/kystyrma-sozder Сөйлемдегі ойға сөйлеушінің әр алуан көзқа расын (сену, мақұлдау, күмәндану т.б.) білді -ретін сөздерді қыстырма сөздер деп атайды: мүмкін, рас, оның ойынша, сірә, шынында.  «Дұрыс-дұрыс емес» ойыны 1.Сөйлемдегі айтылған ойға сөйлеушінің қалай қарайтынын білдіретін сөзді қыстырма сөз деп атайды. (+) 2.Қыстырма сөздер сөйлем мүшесі бола алады.(-) 3.Қыстырма сөздер сөйлемде үтір арқылы ажыратылады.(+) 4.Қыстырма сөз сөйлемнің ортасында келсе, үтір одан кейін қойылады.(-) 5. Қыстырма сөз сөйлемнің соңында келсе,үтір одан бұрын қойылады.(+)			Жаңа тақырыпты меңгеру Қыстырма сөздер туралы мәлімет беру. Жаңа тақырыпты тиянақтау.	Қарамен жазылған сөздердің қандай мағына үстейтінін байқайды. 1.Қыстырма сөзді біледі. 2.Тыныс белгісінің қойылуын ажырата алады.		Презентация № 4 бет Презентация № 5 бет Презентация № 6 бет
8 минут	Тәжірибе	Тыңдалым. 10-жаттығу. Айтыс Сиыр, ат, ит «Қожамыз қайсымызды жақсы көреді?» деп айтысады. – Әрине, мені жақсы көреді, – деді ат. – Мен оның отынын, шөбін тасимын, қожаның өзі мініп, керек жерлеріне барады.  – Сөз жоқ, қожа мені жақсы көреді, – деді сиыр. – Мен оның бала-шағасын сүтіммен асыраймын. – Жоқ, мені жақсы көреді, – деп ырылдады ит. – Мен оның барлық мүлкін және сендерді де күзетемін. Бұлардың сөзін естіген қожасы:  – Босқа таласпаңдар, сендердің бәрің де маған керексіңдер, – деді. ( Спандияр Көбеевтен) «Өзіңді тексер» • Айтысқа қандай жануарлар қатысты? а) қой, сиыр, ит; ә) сиыр, ат, ит; б) ешкі, қой, ат.  • Жануарлар не туралы айтысты? («Қожамыз қайсымызды жақсы көреді?-деп) • Қожасының айтқанымен келісесің бе? (Иә немесе жоқ)			Жаңа тақырыпты тәжірибе арқылы меңгеру Мәтіннен қыстырма сөздерді тауып, негізгі ойды анықтау. Сұрақтарға жауап беру.	1.Қыстырма сөздерді табады. 2.Төрт түліктің пайдасын біледі. 1.Ашық және жабық сұрақтарға жауап береді.		Презентация № 7бет Презентация № 8 бет
3 минут	Бекіту Үйге:	Жазылым. 11-жаттығу. -Сөйлемдерді қатесіз көшіріп жазып, сұрақтарға жауап беріп, өз мұғалімдеріңізге жіберіп, кері байланыс алыңыздар.. 1. «Әрине, мені жақсы көреді», – деді ат. «Сөз жоқ, қожа мені жақсы көреді», – деді сиыр. 2. Осының бәрін ол, әрине, жалғыз өзі істей алмайды.     ·         Қыстырма сөздерді тауып, олардың тыныс белгісіне назар аудар. Қыстырма сөздің тыныс белгісі қалай қойылатынын өзің тұжырымда.				Қыстырма сөздің тыныс белгісін біледі.		Презентация № 9 бет
		Сабағымызды қорытындылайық. •           Қыстырма сөздің ережесін, тыныс белгісін    білдім.                 •           Қыстырма сөзді сөйлем ішінен таба аламын. •           Ашық және жабық сұрақтарға жауап бере аламын. Сабақ аяқталды. Сау болыңыздар!						Презентация № 10 бет