Тәрбие сағ "Кітап- досым ақылшым"

Кубатаева Құрманай Базарбаевна

Тақырыбы: «Кітап-досым, ақылшым»

Мақсаты: Оқушыларды оқулықты құрметтей білуге, кітапты ұқыпты ұстауға баулу, оқушылардың кітапқа деген сүйіспеншілігін арттыру

Әдісі: түсіндіру, сұрақ-жауап

Көрнекілігі: суреттер

Сабақ  барысы:

                                      І.Ұйымдастыру кезеңі.

Мұғалімнің кіріспе сөзі.

                     Кітап та алма ағашы,

                     Жемісін біздер теретін.

                     Тәтті алмаға балашы,

                     Кітабыңның әр бетін.- деп, Мұзафар аталарың жырлағандай, әдеби кітаптар мен оқулықтар сендерге білім көзі, рухани қазына. Кітапты оқи отырып адамның ішкі жан дүниесі артады. Айналадағы өмірмен, құрбы-құрдастарымен танысып, жақсы болуға, жақсылық іс істеуге құштарландыратын осы құрал- кітап.

     Кітап білімімізді молайтады, кітаптан көп үлгі өнеге, тәрбиесінен әсер аламыз. Оқыған, тоқығаның көп болса, жеңбейтін жау, алынбайтын қамал жоқ. «Білекті бірді жығар, білімді мыңды жығар» деген халық даналығы бекер айтылмаған. Ендеше, кітап- біздің рухани байлығымыз.

Кітап сөзін естігенде ойымызға не келеді? Соны ортаға салайық.

 

 

 

( оқу, білім, адал дос, кеңесші, ақылшы)

ІІ. «Кітап – адамның досы»

         Кітапты жасау үшін адам көп адам еңбек етеді. Алдымен орманнан ағаш кеседі. Оны фабрикаға апарады. Фабрика ол ағашты қағаз қылып шығарады. Содан кейін оған авторлар жазады, сурет салады. Баспахана жазулар мен суреттерді басып, кітап етіп шығарады. Кітап жасқа да, кәріге де қажет. Кітап біздің дүниетанымымызды кеңейті, рухани жан дүниемізді оятып, ертегі әңгімелерімен сыр шертіскен, сенің ақылшың.

Алғашқы кітап қолмен атқарылған. Адамдар кітап басатын, әріп теретін машиналарды ойлап тапты, қазіргі кезде кітап басу ісі механикаландырылған.

Елімізде кітап шығаруға, оны безендіруге көп көңіл бөлінеді. Оған көптеген қаржы жұмсалады.

Оқулықты бүктеп, жыртуға, бүлдіруге болмайды. Өйткені әр кітап- Отан байлығы, апа-ағайларымыздың маңдай тері.

ІІІ. Кітап- рухани байлығымыз.

Кітап-адам баласы ақыл-ойынан туған рухани байлықты сақтап, оны ұрпақтан-ұрпаққа жеткізіп отыратын, білім және тәрбие беретін құрал. Ол-адамзат жасаған ең ұлы кереметтердің бірі, халқымыз кітапты аса құрметтейді.

Оқулықты мектебің,

Берер саған теп-тегін.

Білмейсің-ау сен бірақ,

Қаншама еңбек кеткенін.

Кітап туралы жазылған ұлы адамдардың пікіріне назар аударайық.

1.      «Білім – біздің шамшырағымыз, кітап – біздің ұстазымыз»

2.      «Кітап –ақылды қуаттандыратын құрал»

3.      «Өмірде ең жақсы кеңесші-кітап»

4.      «Кітапсыз үй-жансыз дене»

ІҮ. Кітап ұстау ережесі

1Кітапты күнделікті үзбей оқып, дағдыға айналдырк керек. Кітап оқуға күніне 3-4 сағат уақыт бөлк керек.

2. Кітапты қалай болса солай оқымай, оларды белгілі мақсатпен жоспар бойынша оқуға дағдылан.

3. Кітапты төсекте жатып, ас ішіп отырып оқыма.

4.Кітапты көп оқысаң, сөз байлығың молайып, ойлау қабілетің терең болады.

5.Кітапты оқығанда ойға сақтауға, керектерін жатқа айта білуге, керекті сөздерді жазып алып, өмірде пайдалануға әдеттен.

Ү.Сабақты бекіту.

«Кітап» сөзін бес оқушы құрастырып тұрып, хормен айтады.

Оқы талмай, түй санаңа жас бөбек,

Сыр құямын, жыр құямын бойыңа.

Таза ұстап, оқы мені, қатерле,

Бар білімді мен егемін санаңа.

ҮІ. Қорытынды